مزید پڑھیں...

امریکہ: 29 سالہ سیاہ فام نوجوان کی پولیس تشدد سے ہلاکت کیخلاف ملک گیر احتجاج

’اے پی‘ کے مطابق پولیس ترجمان کی جانب سے بتایا گیا ہے کہ وحشیانہ مارپیٹ اور گرفتار میں ملوث پولیس افسر کے خلاف تادیبی کارروائی کی گئی ہے۔ ترجمان کے مطابق افسر پریسٹن ہیمفل کو نوکری سے فارغ کر دیا گیا ہے۔

حقوقِ خلق پارٹی کا لاہور میں آوازِ خلق مارچ، ہزاروں کی شرکت

مارچ سے خطاب کرتے ہوئے حقوقِ خلق پارٹی کے امیدوار برائے صوبائی اسمبلی ڈاکٹر عمار علی جان نے کہا کہ عوام صاف پانی، قبرستان، شناختی کارڈ اور دیگر بنیادی انسانی حقوق سے محروم ہیں جبکہ حکمران اپنی آپس کی لڑائیاں لڑ رہے ہیں۔ انہوں نے کہا کہ لوگ پریشان ہیں، دکھی ہیں، بے بس ہیں۔ پاکستان پتہ نہیں ڈیفالٹ ہو یا نہ ہو مگر غریب ڈیفالٹ ہو چکے ہیں۔ انہوں نے بتایا کہ اگلے مہینے کے آغاز میں ایک نیا منی بجٹ آرہا ہے جبکہ عوام پر 200 ارب روپے کے نئے ٹیکسوں کا بم گرانے کی تیاری کی جارہی ہے۔ دوسری جانب ہم دیکھ رہے ہیں کہ لاہور کا جم خانہ کلب جو امیروں کی عیاشی کا اڈا ہے، سال میں صرف 5 ہزار ٹیکس دیتا ہے، انہوں نے بتایا کہ یو این ڈی پی کی ایک رپورٹ کے مطابق اشرافیہ کو 2.7 کھرب کی مراعات دی جارہی ہیں اس لئے کہا جاسکتا ہے کہ پاکستان صرف امیروں کیلئے ایک فلاحی ریاست ہے۔

کشمیری طلبہ کی نیشنل پریس کلب میں سرگرمیاں پولیس اجازت سے مشروط

چند روز قبل پریس کلب کے باہر ٹریڈ یونینوں کے ایک احتجاجی پروگرام میں شریک جموں کشمیر نیشنل سٹوڈنٹس فیڈریشن کے کارکنان کو گرفتار کیا گیا اور تھانہ سٹی راولپنڈی میں انہیں کچھ دیر حبس بے جا میں رکھنے کے بعد رہا کر دیا گیا۔

تم عورت ہو، ڈائریکٹر جنرل حج نہیں بن سکتی: وزیر مذہبی امور

’یہ حج ایک دینی مشن ہے اور پوری دنیا کے مسلمان وہاں آتے ہیں۔ ہمارے حج کا سارا دارومدار ڈی جی حج پر ہوتا ہے اور لوگ اسی کو دیکھتے ہیں۔ تو اگر خود اسکی صورت اورسیرت سنت کے مطابقنہ ہو تو پاکستان کا میسج دنیا کو کیا جائے گا کہ یہ ایک دینی ملک ہے یا نہیں۔‘

بیادِ کامریڈ لطیف آفریدی: مارکسسٹ منارہ نور

لطیف لالا نے انسانی حقوق کے لئے عملی جدوجہد کی۔ جب اَسی کی دہائی میں جسٹس دراب پٹیل مرحوم، عاصمہ جہانگیر اور آئی اے رحمن نے انسانی حقوق کمیشن پاکستان (ایچ آر سی پی) کی بنیاد رکھنے کا فیصلہ کیا تو لطیف لالا نے ان کی بھر پور حمایت کی۔ پاک بھارت عوامی رابطوں میں بھی متحرک رہے۔ 1998ء میں جب پاکستان انڈیا پیپلز فورم فار پیس اینڈ ڈیماکریسی کے 300 مندوب (جن میں آدھے بھارت سے تھے) پشاور اور خیبر ایجنسی آئے تو لطیف لالا نے ان کی میزبانی کی۔ کابل کے افغان قوم پرستوں اور مارکس وادیوں سے بھی ان کا مسلسل رابطہ رہتا۔

مشرق وسطیٰ میں مذہب نہیں جمہوریت زیادہ مقبول ہے؟ عرب رائے عامہ انڈکس 2022ء

ایک درجن سے زیادہ عرب ملکوں میں کئے گئے رائے عامہ کے ایک حالیہ سروے کے مطابق جمہوریت عوام کا پسندیدہ سیاسی نظام ہے اور ان کی ایک بڑی تعدادیہ بھی سمجھتی ہے کہ مذہب سے ان کی وابستگی اتنی گہری نہیں ہے جتنی سمجھی جاتی ہے۔ سروے میں شامل لوگوں کی اکثریت (61 فیصد) کا کہنا ہے کہ وہ ”کچھ حد تک ہی مذہبی ہیں“ جب کہ 12 فی صدمذہبی نہیں ہیں اور 24 فی صدمذہبی ہیں۔

ٹاک شوز کے موضوعات: 71 فیصد سیاست، برباد معیشت 11 فیصد

اس جائزے میں یہ بھی سامنے آیا کہ پاکستانی میڈیا بری طرح سے سیاسی جماعتوں کے مابین تقسیم ہے۔ اے آر وائے پر سب سے زیادہ پی ٹی آئی کو نمائندگی دی جا رہی ہے، جبکہ سما پر سب سے زیادہ پیپلز پارٹی اور ن لیگ کو نمائندگی دی جا رہی ہے۔

اسرائیلی حملے میں 10 فلسطینی ہلاک

جمعرات کی شام یروشلم کے شمال میں واقع الرام قصبے میں اسرائیلی فوج اور فلسطینیوں کے درمیان جڑپوں کے دوران ایک 10 واں فلسطینی بھی مارا گیا۔ اس کی شناخت 22 سالہ یوسف محسیسن کے نام سے ہوئی ہے۔

کیا آئی ایم ایف نجات دہندہ ہے؟

ستم ظریفی کی انتہا دیکھئے: ایک ادارہ جسے پوری دنیا درجنوں ممالک میں عوام دشمنی، ایلیٹ ازم، غربت میں اضافے، پس ماندگی اور مصائب کا ذمہ دار قرار دیتی ہے…اسے پاکستان کا واحد نجات دہندہ بنا کر پیش کیا جا رہا ہے۔ لگتا یوں ہے کہ اس ملک کے حکمران اسی معاہدے پر دستخط کرنے جا رہے ہیں جو لگ بھگ ایک سال سے التوا کا شکار تھا۔

بھارت: بی بی سی کی دستاویزی فلم پر پابندی کیخلاف مزاحمت جاری

متعدد میڈیا واچ ڈاگز نے بھارتی وزیر اعظم نریندر مودی پر تنقید کرنیو الی برطانوی نشریاتی ادارے بی بی سی کی دستاویزی فلم ’انڈیا: دی مودی کوئسچین‘ پر پابندی لگانے کے حکومتی فیصلے کی مذمت کی ہے۔ فلم کے کلپس کو بھارت میں آن لائن رسائی یا شیئر کرنے سے روکنے کیلئے ہنگامی اختیارات کے استعمال پر بھی تنقید کی جا رہی ہے۔