مقررین نے ملک بھر میں طلبہ کے خلاف یونیورسٹی انتظامیہ کے کریک ڈاؤن کی بھی بھرپور مذمت کرتے ہوئے کہا کہ طلبہ کو جبر اور دھونس کے ذریعے بے اختیار کرنا اور یونیورسٹی کیمپس کو عسکری چھاؤنی بنانے کی کوشش کرنا ہر گز کسی تعلیمی ماحول کی غمازی نہیں کرتا اور اس کے اثرات طلبہ کے لیے ہولناک ہوں گے۔

پاکستان اور بھارت کی امن کیلئے کام کرنے والی تقریباً 50 سے زائد سماجی تنظیموں کے کارکنوں اور رضاکاروں نے کرتارپور امن راہداری کے مقام پر 28 فروری 2023ء کو مشترکہ طور پر مطالبہ کیا کہ جنوبی ایشیائی ممالک بالخصوص پاکستان اور بھارت کے درمیان دوستی کے فروغ کو یقینی بنایا جائے اور تمام ملکوں کو ویزا فری کیا جائے، تاکہ خطے کے لوگوں کو ایک دوسرے سے ملنے کی مکمل آزادی حاصل ہو اور مشترکہ سماجی، ثقافتی اور تاریخی ورثے کو فروغ دیا جا سکے۔

یہ معیشت تین بڑے بحرانات پر کوئی روشنی نہیں ڈال سکی۔ 2007-8ء کے بحران کا تناظرنہیں دے سکی۔ یہ بھی نہیں بتا سکی کہ اس بحران کی گہرائی کتنی ہو گی اور یہ کتنی دیر چلے گا۔ ان کے پاس کوئی جواب نہیں تھا۔
دوسری ناکامی یہ تھی کہ موسمیاتی بحران پر کوئی وارننگ ہی نہیں دے سکی۔ وہ تو سائنسدانوں نے ایک رپورٹ لکھی اور انہوں نے بتایا کہ زندگی کو خطرات لاحق ہو گئے ہیں۔ معیشت دانوں نے اس بارے میں بھی کوئی تناظر نہیں دیا۔
تیسری بڑی ناکامی یہ ہے کہ ملکوں کے اندر اور ملکوں کے درمیان لڑائیاں ہو رہی ہیں، تشدد پھیل رہا ہے۔ معیشت دانوں نے اس بارے میں معاشی پالیسی کے ذریعے نہ کوئی تناظر دیا، نہ حل دے رہے ہیں۔ اس لئے دوبارہ اس پر از سرنو سوچا جا رہا ہے، تاکہ مختلف آئیڈیاز لے کر اس کو آگے لے جایا جائے۔ تاہم پاکستان میں ایسا نہیں ہو رہا ہے۔