1936 کے سوویت آئین میں یہ وعدہ کیا گیا تھا کہ سوویت یونین اُن غیر ملکی شہریوں کو پناہ دے گا ،جنہیں ’محنت کش عوام کے مفادات کا دفاع کرنے‘پر ظلم و ستم کا سامنا ہے۔ تاہم تاریخ نے دیکھا کہ اسٹالن کی حکومت نے اسی وعدے کو شرمناک طور پر توڑ دیا۔ 1930 کی دہائی کے اواخر میں سینکڑوں جرمن اور آسٹریائی کمیونسٹ، یہودی انقلابی، اور فاشزم مخالف کارکنان، جنہوں نے ہٹلر کے جبر سے بچنے کے لیے سوویت یونین میں پناہ لی تھی، وہ سوویت حکام کے ہاتھوں جیلوں، تشدد اور بالآخر نازیوں کے حوالے کیے جانے کے شکار بنے۔ تخمینوں کے مطابق سوویت حکام نے 600 سے زائد جرمن اور آسٹریائی انقلابیوں کو ہٹلر کی نازی حکومت کے حوالے کیا۔

جموں کشمیر کا یہ خطہ پاکستان کی پیریفریز میں سے ایک ہے اور جموں کشمیر کے لارجر ایشو کا حصہ ہونے کی وجہ سے اس کے سیاسی مستقبل کا فیصلہ ہونا ابھی باقی ہے۔ ایسی کیفیت میں انتہائی جاندار تحریک ہونے کے باوجود اس تحریک کی مکمل فتح یابی یا سرمایہ دارانہ نظام کے خاتمے کی طرف بڑھنے کا راستہ پھر پاکستان کے محنت کشوں اور محکوم قوموں کے متحرک ہونے سے مشروط ہے۔ اس کیفیت میں بالخصوص پاکستان اور بالعموم بھارت اور جنوب ایشیا سے بائیں بازو کی قوتوں اور محنت کش طبقے کی ہر اول پرتوں کا اس تحریک کے ساتھ یکجہتی کرنا انتہائی اہم ہے۔