لاہور (نامہ نگار) ڈائریکٹر اور فلم پروڈیوسر عرفان کھوسٹ کی فلم ’زندگی تماشہ‘ کی نمائش پھر ملتوی کر دی گئی ہے۔ یہ فلم 18 مارچ کو پاکستانی سرکٹ میں ریلیز ہونا تھی لیکن نامعلوم وجوہات کی بنا پر اس کی نمائش ملتوی کر دی گئی ہے۔ عرفان کھوسٹ کا کہنا ہے کہ یہ فلم جلد ریلیزہو گی لیکن انہوں نے نمائش ملتوی ہونے بارے کوئی وضاحت پیش نہیں کی۔
ادہر، گذشتہ ہفتے سنٹرل بورڈ آف فلم سنسر نے پاکستانی نژاد امریکی فلم میکر ارم بلال کی فلم ’آئی ول میٹ یو دئیر‘ (I’ll Meet You There) پر یہ کہہ کر پابندی لگا دی ہے کہ اس میں پاکستانی ثقافت کی غلط نمائندگی کی گئی ہے۔ ارم بلال کا کہنا ہے کہ انہوں نے اس فلم کو اسلاموفوبیا کے خلاف ایک پیغام کے طور پر بنایا ہے۔ اس فلم میں ممتاز پاکستانی اداکار قوی خان نے بھی کام کیا ہے۔
