ارنسٹ مینڈل ایک بین الاقوامیت پسند اور انقلابی کارکن تھے، جنہوں نے زندگی بھر سوچ اور عمل کو یکجا کیا۔ فکری لحاظ سے ان کے وسیع نظریاتی کام، معاشی اور سیاسی صورت حال پر ان کے بہت سے تجزیوں اور بے شمار مضامین نے کارکنوں، طلبہ، محققین، ٹریڈ یونین رہنماؤں اور سماجی و سیاسی تنظیموں کے رہنماؤں کی ایک بڑی نسل کو متاثر کیا۔ انہوں نے فورتھ انٹرنیشنل کی قیادت میں اہم کردار ادا کیا، وہ تنظیمیں تعمیر کرنے میں ماہر تھے۔ انہوں نے فورتھ انٹرنیشنل اور مختلف ملکوں میں اس کے سیکشنزکی تعمیر کے لیے اتنی ہی توانائی صرف کی جتنی نظریاتی اور سیاسی کام کی تیاری کے لیے کی۔ مینڈل 20 ویں صدی کے دوسرے نصف کے بین الاقوامی قد کے تقریباً 20 مارکسی دانشوروں میں سے ایک ہیں۔ ان کا شمار ان چند افراد میں ہوتا ہے جو تخلیقی اور اختراعی فکری تصریح کے ساتھ عمل کو یکجا کرنے میں کامیاب رہے۔
Month: 2023 اگست
جوائے لینڈ: گُھٹے ہوئے ماحول میں تازہ ہوا کا جھونکا
پاکستانی فلموں کا پاکستانی ثقافت میں ہمیشہ ایک اہم کردار رہا ہے مگر اس کے باوجود فلمی صنعت معقول حکومتی سرپرستی سے محروم رہی ہے۔ خوش قسمتی سے مختلف تخلیقی افراد مُشکلات کاسامنا کرتے ہوئے فلمی صنعت کو آکسیجن مُہیاکرتے رہتے ہیں۔ ایسے افراد میں ایک صائم صادق ہیں۔ اُنہوں نے سکر پٹ لکھنے اور ہدایتکاری کی تعلیم کولمبیا یونیورسٹی سکول آف دی آرٹس سے حاصل کی۔”جوائے لینڈ“ اُن کی پہلی پوری لمبائی والی فیچرفلم ہے۔ اس سے پہلے اُنہیں متعدد مُختصر فلمیں بنانے کا تجربہ ہے۔
گوئٹے مالا: سینٹر لیفٹ کے امیدوار برنارڈو اریوالو صدر منتخب
’گرین لیفٹ‘ کے مطابق انتخابات میں ٹرن آؤٹ45فیصد رہا ہے۔ 100فیصد گنتی کے بعد 58فیصد ووٹ حاصل کر کے اریوالو نے فتح حاصل کی ہے۔ ان کے مد مقابل دائیں بازو کی جماعت نیشنل یونٹی آف ہوپ(یو این ای) کے امیدوار نے 37فیصد ووٹ حاصل کئے ہیں۔ اریوالو 14جنوری کو صدارتی عہدہ سنبھالیں گے۔
پاکستانی زیر انتظام کشمیر میں سول نافرمانی تحریک
سنئے پاکستان ٹریڈ یونین ڈیفنس کمپئین کے سیکرٹری جنرل قمر الزماں خان کا تجزیہ و تبصرہ بعنوان ’پاکستانی زیر انتظام کشمیر میں سول نافرمانی تحریک‘
سب سے زیادہ ٹرن آؤٹ 70ء کے عام انتخابات میں، سب سے کم 97ء کے الیکشن میں
2018میں مجموعی ٹرن آؤٹ 51فیصد رہا ہے۔ پنجاب میں 56.80فیصد، سندھ میں 47.80فیصد، کے پی میں 41.50فیصد اور بلوچستان میں 42.60فیصد ٹرن آؤٹ رہا ہے۔ 2018کے انتخابات میں غیر معمولی طور پر سب سے زیادہ ٹرن آؤٹ رہا ہے۔ اس سے قبل بلوچستان میں سب سے زیادہ ٹرن آؤٹ 1970میں 39فیصد رہا ہے۔
جموں کشمیر: بجلی کے ہزاروں بل جلا کر سول نافرمانی تحریک کا آغاز کر دیا گیا
پاکستان کے زیر انتظام جموں کشمیر میں بجلی کے ہزاروں بل جلا کر سول نافرمانی کی تحریک کا آغاز کر دیا گیا ہے۔منگل کے روز ضلع پونچھ، سدھنوتی، باغ اور کوٹلی کے درجنوں مقامات پر ہزاروں بل جلائے گئے۔ اس موقع پر احتجاجی ریلیاں اور جلسے بھی منعقد کئے گئے۔ میرپور سمیت مختلف اضلاع میں بل اکٹھے کرنے کا سلسلہ جاری ہے۔ آنے والے دنوں میں مزید مقامات پر بجلی کے بل اجتماعی طو رپر جلائے جائیں گے۔
علی وزیر اور ایمان مزاری کا تین روزہ جسمانی ریمانڈ منظور، 2 مقدمات درج
تاہم جلسہ کی ہی رات 19 اگست کو 20 منٹ کے وقفے کے ساتھ تھانہ ترنول اور کاؤنٹر ٹیررازم ڈیپارٹمنٹ نے دو الگ الگ مقدمات درج کئے۔ رات 1 بج کر 40 منٹ پر تھانہ ترنول کی جانب سے درج ایف آئی آر کے مطابق ان پر الزام عائد کیا کہ این او سی کی خلاف ورزی کی گئی، کارکنان آتشیں اسلحہ سے مسلح تھے اوردھمکیاں دیتے ہوئے پولیس پر حملہ آور ہوئے۔ یہ الزام بھی عائد کیا گیا کہ سرکاری گاڑی کے شیشے توڑے گئے، پٹرول پمپ اور دیگر دکانوں کو نقصان پہنچایا گیا۔
جموں کشمیر: احتجاجی تحریک عروج پر، آج جلسوں میں بجلی کے بل جلائے جائینگے
پاکستانی زیر انتظام جموں کشمیر میں سستی بجلی کی فراہمی، گندم پر سبسڈی کے خاتمے اور حکمران اشرافیہ کی بے جا مراعات کے خلاف جاری تحریک نئے مرحلے میں داخل ہو رہی ہے۔ چھوٹے بڑے شہروں اور دیہاتوں میں بجلی کے بل جمع کروانے سے انکار کی مہم عروج پرپہنچ چکی ہے۔
پاکستان میں سپر ٹیکس
حکومت کی جانب سے ٹیکس سال 2022ء میں زیادہ آمدنی والے افراد پر سپر ٹیکس کا تصور دوبارہ متعارف کرایا گیا۔ ٹیکس سال 2022ء کے لیے سلیب کے حساب سے شرحیں مقرر کی گئی تھیں، جن کی زیادہ سے زیادہ شرح 4 فیصد تھی۔ بعض مخصوص شعبوں کے حوالے سے 10 فیصد کی بہتر شرح صرف ٹیکس سال 2022ء کے لیے تجویز کی گئی تھی اور بینکنگ کمپنیوں کے لیے ٹیکس سال 2023ء کے لیے 10 فیصد سپر ٹیکس لاگو ہونا تھا۔
’کشمیر والا‘ ویب سائٹ بند کر دی گئی!
بھارتی سرکار نے کشمیر والا ویب سائٹ، جو بھارت کے زیر انتظام کشمیر میں انسانی حقوق کے مسائل پررپورٹنگ کرتی رہی ہے، بند کر دی گئی ہے۔ ملک کی وزارت ِالیکٹرانکس اینڈ انفارمیشن ٹیکنا لوجی نے آئی ٹی ایکٹ کے تحت کشمیر والا کی ویب سائٹ، فیس بک اور ایکس (سابقہ ٹویٹر) کے انٹر نیٹ اکاؤنٹس پر پابندی عائد کر دی ہے اور انہیں پورے ملک میں بلاک کر دیا ہے۔