بھٹ شاہ ہاری کانفرنس اتوار 16فروری کو بھٹ شاہ، مٹیاری سندھ میں منعقد کی جا رہی ہے۔ یہ کانفرنس پاکستان کسان رابطہ کمیٹی، سندھ ہاری تحریک، ہاری جدوجہد کمیٹی اور سندھ ہاری پورہیت کمیٹی کے زیر اہتمام منعقد کی جا رہی ہے۔ اس کانفرنس سے جنرل سیکرٹری پاکستان کسان رابطہ کمیٹی فاروق طاہر، جنرل سیکرٹری حقوق خلق پارٹی ڈاکٹر عمار علی جان سمیت دیگر سیاسی و سماجی رہنما خطاب کریں گے۔

جموں کشمیر میں مزاحمت کا گڑھ سمجھے جانے والے شہر راولاکوٹ میں سب سے بڑا اجتماع منعقد ہوا۔ پوسٹ گریجویٹ کالج گراؤنڈ سے وطن دوست اتحاد کے زیر اہتمام شروع ہونے والی احتجاجی ریلی میں ہزاروں افراد نے شرکت کی۔ مقبول بٹ شہید چوک میں احتجاجی جلسہ کیا گیا اور چوک کی تعمیر کا سنگ بنیاد بھی رکھا گیا۔

شاعر عوام حبیب جالب کی یاد میں جالب جمہوری میلہ اتوار 9 فروری کو کاسمو پولیٹن کلب باغ جناح لاہور میں منعقد کیا گیا۔ اس میلے کا انعقاد جالب میلہ کمیٹی کے زیرِ اہتمام کیا گیاتھا۔ یہ کمیٹی بائیں بازو کی ترقی پسند سیاسی و سماجی تنظیموں، حبیب جالب کے خاندان، شاعروں، طلبہ تنظیموں، مزدور یونینوں، صحافیوں اور فنکاروں پر مشتمل ہے۔

14فروری کی سہ پہر 3بجے الحمرا کی گیلری میں افتتاحی تقریب منعقد کی جائے گی، اس دوران نمائش بھی لگائی جائے گی۔ شام5بجے سے ساڑھے6بجے تک ڈاکومینٹری فلم ہال نمبر2میں دکھائی جائے گی۔ 5بجے سے ساڑھے 6بجے تک ہال نمبر ایک میں شفقت امانت علی اپنے فن کا مظاہرہ کریں گے۔

نجی و سرکاری یونیورسٹیوں، کالجوں اور سکولوں کی فیسوں میں اضافے کا سلسلہ بند کیا جائے اور پچھلے تین سال کے دوران کیا گیا اضافہ واپس لیا جائے۔
آئی ایم ایف کی ایما پر سرکاری تعلیمی اداروں بشمول سکولوں کی کلی یا جزوی نجکاری کا عمل فوراً بند کیا جائے اور نجی تحویل میں دئیے گئے اداروں کو واپس قومی تحویل میں لیا جائے۔ نظام تعلیم پر اجارہ دارانہ یا حاوی حیثیت رکھنے والے تمام تعلیمی اداروں کو قومی تحویل میں لیتے ہوئے اساتذہ و طلبہ کی منتخب کمیٹیوں کے تحت چلایا جائے۔

پاکستانی زیر انتظام جموں کشمیر کے شہر میرپور میں نوجوان انجینئر محسن علی کی مبینہ جبری گمشدگی کے خلاف احتجاجی مظاہرہ کیا گیا ہے۔ اس احتجاجی مظاہرے میں سیکڑوں شہریوں نے شرکت کی اور مقامی انتظامیہ کو 48گھنٹے میں محسن علی کی بازیابی کی ڈیڈ لائن دیتے ہوئے 11فروری کو میرپور میں مکمل لاک ڈاؤن کرنے کا اعلان کیا گیا ہے۔

جالب جمہوری میلہ میں کلام جالب پیش کیا جائے گا، جس میں طاہرہ حبیب جالب، عمار رشید اور حسنین جمیل فریدی حبیب جالب کا کلام پیش کریں گے۔ ’فکر جالب اور آج کا نوجوان‘کے عنوان سے تقریب منعقد ہو گی، جس میں مزمل خان کاکڑ، کامریڈ سنبل، علی آفتاب، ابوذر مادھو، اویس قرنی اور آمنہ چوہدری گفتگو کریں گے۔

•ہم پرزور مطالبہ کرتے ہیں کہ عام انتخابات 2024 میں دھاندلی، دھوکہ دہی اور ہیرا پھیری کی تحقیقات اور ذمہ داریوں کا تعین کرنے کے لئے انکوائری کمیشن قائم کیا جائے۔
•الیکشن کمیشن آف پاکستان نے کمشنر راولپنڈی لیاقت علی چٹھہ کی جانب سے لگائے گئے الزامات کی تحقیقات کا اعلان کیا تھا جنہوں نے الیکشن کمیشن کے سربراہ اور سپریم کورٹ کے چیف جسٹس پر عام انتخابات 2024 میں انتخابی دھاندلی کا الزام عائد کیا تھا۔ ہم ای سی پی پر زور دیتے ہیں کہ وہ اپنا وعدہ پورا کرے۔

گندم کی کم از کم امدادی قیمت کے خاتمے کا سب سے زیادہ اثر کسانوں پر پڑے گا۔ چھوٹے کسان کم از کم امدادی قیمت پر حکومت کو گندم فروخت کرتے تھے،جبکہ حکومتی مداخلت ختم ہونے کے باعث چھوٹے کسان مارکیٹ کے رحم و کرم پر ہو جائیں گے اور کارپوریٹ سیکٹر گندم کی خریداری کو روک کر کسانوں کو اونے پونے داموں گندم بیچنے پر مجبور کرے گا، جس کے باعث چھوٹے کسانوں کی بقاء کو خطرات لاحق ہو جائیں گے۔ آئی ایم ایف کی شرائط پر عملدرآمد کرتے ہوئے حکومت نے چھوٹے کسانوں کا معاشی قتل کرنے کا بھی باضابطہ اعلان کر دیا ہے۔

سلامہ کا کہنا تھا کہ ’20لاکھ سے زائد فلسطینیوں کو زبردستی بے گھر کیا گیا، جن میں سے بہت سے ضروری خدمات کی عدم موجودگی کے باعث 25سے زائد بار نقل مکانی کرنے پر مجبور ہوئے۔‘