گزشتہ سالوں میں بیرون ملک جانے کیلئے رجسٹر ہونے والے پاکستانیوں کی تعداد میں اضافے کا رجحان دیکھا گیا ہے۔2022ء کے دوران بیرون ملک جانے والے محنت کشوں میں سب سے زیادہ پنجاب سے 4 لاکھ 58 ہزار 241 تھے، خیبرپختونخواہ سے2 لاکھ 24 ہزار 889، سندھ سے 59 ہزار 67، بلوچستان سے 8 ہزار 13، پاکستانی زیر انتظام جموں کشمیر سے 29 ہزار 496 اور قبائلی علاقوں سے 42 ہزار152 محنت کش سرکاری طریقوں سے بیرون ملک گئے۔ بیرون ملک ملازمت کیلئے رجسٹرڈ ہونے والے کل محنت کشوں کی تعداد 2022ء میں بڑھ کر 8 لاکھ 29 ہزار 549 ہو گئی، جو 2021ء میں 2 لاکھ 86 ہزار 548 تھی۔
