’الجزیرہ‘ کے مطابق جنوری کے آخر میں لبنانی کرنسی کی مارکیٹ ویلیو ڈالر کے مقابلے میں تقریباً 60 ہزار تھی۔ بحران کی سنگینی کے باوجود اشرافیہ کرنسی کے آزادانہ زوال کو روکنے میں ناکام رہی ہے۔ اشرافیہ کو ملکی مالیاتی تبادہی کیلئے بڑے پیمانے پر مورد الزام ٹھہرایا جاتا ہے۔

سوشل میڈیا کمپنی فیس بک کی سرپرست کمپنی ’میٹا‘ نے مزید 10 ہزار ملازمتیں ختم کر دی ہیں اور 5 ہزار خالی آسامیوں پر تقرریاں نہ کرے کا بھی فیصلہ کیا ہے۔ سوشل میڈیا کمپنی اخراجات میں کمی کی پالیسی اپنا رہی ہے۔

عمارت میں داخل ہوتے ہوئے انہوں نے روایتی ریڈ کارپٹ پر کیمروں کے سامنے فیشن ایبل لباس زیب تن کئے تصویر یں بنوائیں۔ اکیڈمی ایوارڈ کی رنگارنگ اور گلیمرس تقریب شروع ہوئی تو وہ نمایاں نشستوں پر بیٹھی تھیں۔ تقریب کے ہوسٹ نے جب ان سے ہالی وڈ کے بارے میں ایک مضحکہ خیز سوال کیاتو ان کے چہرے پرپہلے ناگواری کے تاثرات نظر آئے پھرانہوں نے قدرے سنبھل کر جواب دیا ”میں صرف امن کے مسائل پر بات کرتی ہوں۔“

’خواتین اکثر اپنی پہلے سے کم کمائی کا حصہ بھی کھو دیتی ہیں کیونکہ خواتین کی روزی روٹی قدرتی وسائل سے منسلک ہے جو موسمیاتی تبدیلیوں سے بری طرح متاثر ہو رہے ہیں۔‘

پاکستان میں صحت، تعلیم اور روزگار کیلئے سرمایہ کاری نہ ہونے اور سرمایہ داروں کے مفادات کی ترجمانی کرنے والی معاشی پالیسیوں کی وجہ سے 22 ملین سے زائد بچے سکولوں سے باہر ہیں، نصف آبادی کی صحت کی سہولیات تک رسائی ہی نہیں ہے، جبکہ بیروزگاری میں مسلسل اضافہ ہوتا جا رہا ہے۔

دنیا کی نصف آبادی تقریباً مکمل طور پر سرمائے سے محروم ہے۔ ترقی کے ثمرات کی منصفانہ تقسیم اس اعلیٰ سطح کی عدم مساوات میں ممکن نہیں ہے۔ اگرچہ ہم حکومتوں کی طرف سے شائع کئے جانے والے ترقی کے اعداد و شمار دیکھتے ہیں، لیکن ترقی کو کس طرح یکساں طور پر تقسیم کیا جاتا ہے، یہ سب سے اہم ہے۔ جی ڈی پی انسانی فلاح و بہبود کے تغیرات کو نہیں پکڑتی اور عدم مساوات کو نظر انداز کرتی ہے۔

جنرل کونسل کے اجلاس کی صدارت این ایس ایف کے مرکزی صدر خلیل بابر کریں گے۔ جاری کردہ پریس ریلیز کے مطابق جنرل کونسل کا اجلاس مجموعی طور پر دو سیشنوں پر مشتمل ہو گا۔ پہلے سیشن میں ”جموں کشمیر کی موجودہ معاشی و سیاسی صورتحال“ کو زیر بحث لایا جائے گا، اس سیشن کے شرکا سے ترجمان میگزین ’عزم‘ کے ایڈیٹر بدر رفیق خصوصی خطاب کریں گے۔

’اے پی‘ کے مطابق اٹلی کی حکمران جماعت کے ایوان زیریں کے رکن نے میڈیا کو بتایا ہے کہ اٹلی کے خفیہ اداروں نے اندازہ لگایا ہے کہ لیبیا میں 6 لاکھ 85 ہزار تارکین وطن سمگلروں کی کشتیوں میں وسطی بحیرۂ روم کے پار جانے کے خواہشمند تھے۔ ان میں سے اکثر وہاں حراستی کیمپوں میں ہیں۔

فرانسیسی وزارت داخلہ کے اندازے کے مطابق 1.28 ملین افراد نے صدر ایمانوئل میکرون کے ریٹائرمنٹ کی عمر کو 64 سال کرنے کے منصوبے کے خلاف ملک گیر ہڑتال میں حصہ لیا۔

2005ء کے بعد سمندروں میں پلاسٹک کی مقدار میں تیزی سے اضافہ دیکھنے میں آیا ہے۔ ماہرین کا خیال ہے کہ اگر بروقت کارروائی نہ کی گئی تو 2040ء تک سمندروں میں پلاسٹک کی مقدار میں 3 گنا اضافہ ہو سکتا ہے۔