ہزاروں مظاہرین کو کچلنے کی دھمکیاں دینے والے کینیا کے صدر نے بالآخر عوامی مزاحمت کے سامنے گھٹنے ٹیک دیئے ہیں۔ صدر ولیم روٹو نے کہا ہے کہ وہ کسی ایسے فنانس بل پر دستخط نہیں کریں گے، جس کی وجہ سے مظاہرین نے بڑھتے ہوئے اخراجات کے خلاف غم وغصے کا اظہار کیا اور پارلیمنٹ پر دھاوا بول دیا۔ انکا کہنا تھا کہ ٹیکسوں میں اضافے پر مشتمل بل واپس لے لیا جائے گا۔

پاکستان کسان رابطہ کمیٹی نے جاپان کے تین میگا بینکوں کو عوام اور ان کے شیئر ہولڈرز کو دھوکہ دینے پر تنقید کا نشانہ بناتے ہوئے کہا ہے کہ وہ ڈی کاربنائزیشن پالیسیوں پر عمل پیرا ہیں جبکہ حقیقت میں دنیا کے سب سے بڑے فوسل فیول منصوبوں کی فنڈنگ کررہے ہیں، جن میں سے زیادہ تر ایشیا میں پائے جاتے ہیں۔

عید الاضحی کی تعطیلات کے سلسلے میں ’روزنامہ جدوجہد‘ 23 جون تک آن لائن پوسٹ نہیں کیا جائے گا۔ عید کی چھٹیوں کے بعد،اگلا شمارہ 24 جون (بروزپیر)شائع ہو گا۔
ادارتی بورڈ تمام قارئین کو عید مبارک پیش کرنے کے علاوہ ’روز نامہ جدوجہد‘ کی مسلسل حوصلہ افزائی اور مدد کے لئے بھی شکریہ ادا کرنا چاہتا ہے۔
یہ عید ایک ایسے موقع پر منائی جا رہی ہے کہ جب غزہ میں قتل عام جاری ہے جبکہ پاکستان کے محنت کش اور سفید پوش طبقے پر سر مایہ دار حکومت کی جانب سے،تازہ بجٹ میں،ناقابل برداشت نئے ٹیکس لاگو کر دئیے گئے ہیں۔سچ تو یہ ہے کہ پاکستان کی اکثریت کے لئے عید جیسا کوئی تہوار منانا ممکن ہی نہیں رہ گیا۔
جب تک دنیا بھر سے جنگوں، نا انصافیوں اور نا برابری کا خاتمہ نہیں ہوتا، محنت کش کوئی حقیقی خوشی نہیں منا سکتے۔ ’روزنامہ جدوجہد‘ ایک ایسے مستقبل کے لئے جدوجہد کا نام ہے جس میں دنیا بھر کے انسان،سر مائے کی آمریت سے نجات پا کر،حقیقی خوشیوں سے بھر پور زندگی گزار سکیں گے۔

بنگلہ دیش میں کوکا کولا کا بائیکاٹ کافی موثر ہے۔ الجزیرہ کی ایک خبر کے مطابق کوکا کولا کی سیل میں 23 فیصد کمی آئی ہے۔ کوکا کولا نے اس صورت حال سے نپٹنے کے لئے ایک اشتہار بنوایا جس میں یہ پیغام دینے کی کوشش کی کہ کوکا کولا اسرائیل کا حامی نہیں۔اس اشتہار کے خلاف بھی بنگلہ دیش میں زبردست رد عمل ہوا۔ جن دو معروف اداکاروں نے اس اشتہار میں کام کیا،انہوں نے اس اشتہار میں کام کرنے پر معافی مانگی ہے۔

پاکستان کسان رابطہ کمیٹی، لیبر ایجوکیشن فائونڈیشن اور کروفٹر فاؤنڈیشن نے امریکن کونصلیٹ اور لاہور پریس کلب کے باہر احتجاجی مظاہرہ کیا اور مطالبہ کیا کہ جی سیون ممالک کلائمیٹ فنانس کی ادائیگی کریں۔ یہ احتجاج 13 جون کو ہونے والے 50 ویں جی 7 سربراہ اجلاس کے جواب میں منعقد کیا گیا تھا۔

پاکستانی زیر انتظام جموں کشمیر کے وزیر حکومت فہیم ربانی کے قافلے میں شریک ان کے حامیوں کے تشدد کا نشانہ بننے والے سیاسی رہنماؤں کے خلاف انسداد دہشت گردی کی مقدمات درج کر کے انہیں گرفتار کر لیا گیا ہے۔ تاہم حملہ آوروں کے خلاف کوئی کارروائی نہیں کی گئی ہے۔

شاعر فرہاد علی کو جبری لاپتہ/ گمشدہ قرار دیا جاتا ہے تا وقتیکہ وہ اپنے گھر نہ پہنچ جائیں۔فرہاد علی جب اپنے گھر پہنچے تو تفتیشی افسر قانونی طور پر پابند ہے کہ وہ ان کا 164 کا بیان ریکارڈ کریں۔اسلام آباد ہائیکورٹ میں زیر سماعت تمام جبری گمشدگی کے مقدمات کو یکجا کر کے بڑے بینچ کے سامنے تجویز کرنے سے متعلق عدالت رجسٹرار آفس کو حکم دیتی ہے کہ وہ تمام مقدمات کو چیف جسٹس اسلام آباد ہائی کورٹ کے سامنے پیش کریں تاکہ وہ انتظامی اختیارات کا استعمال کرتے ہوئے بڑی بینچ تشکیل کریں۔

ہم عوامی ورکرز پارٹی گلگت بلتستان کے نومنتخب لیڈرشپ و مجلس عاملہ اس تاریخی دن کے موقع پر اس عزم کا اظہار کرتے ہیں کہ ہم پارٹی کے منشور و دستور کی روشنی میں اس خطے کے قومی شناخت، آئینی، جمہوری اور معاشی حقوق حقوق کے حصول کے لئے کسی بھی قسم کی قربانی سے دریغ نہیں کریں اور اس خطے میں ایک سوشلسٹ سماج کے قیام کے لئے جدوجہد کو تیز کریں گے۔

کنونیئر جوائنٹ ایکشن کمیٹی عرفان مفتی کی جانب سے جاری کی گئی پریس ریلیز میں کہا گیا ہے کہ جوائنٹ ایکشن کمیٹی مجاہد کالونی گل والا سرگودھا میں ایک مسیحی خاندان پرہجوم کے حملہ کے واقعے کی شدید مذمت کرتی ہے۔ایک دفعہ پھر قانون نافذ کرنے والے ادارے مذہبی انتہاء پسندوں کے وحشیانہ عمل سے مسیحی برادری سے تعلق رکھنے والے معصوم شہریوں کو تحفظ فراہم کرنے میں بری طرح ناکام رہی۔ جوائنٹ ایکشن کمیٹی مذہبی اقلیتی برادریوں کے خلاف بے بنیاد اور جھوٹے توہین رسالت کے الزامات پر ہجوم کے بڑھتے ہوئے پرتشدد واقعات میں اضافہ کے رجحان پر خوفزدہ ہے۔ مجاہد کالونی کے واقعے میں متاثرہ خاندان کو ایک مقامی مسلم خاندان کی جانب سے جھوٹے الزامات کا بھی سامنا کرنا پڑا، جس کی دیگر شکایات تھیں اور انہیں نشانہ بنانے کیلئے توہین رسالت کے الزام کا استعمال کیا۔

پاکستانی زیر انتظام جموں کشمیر کا سیاحتی انفراسٹرکچر اور زمین عسکری کمپنی گرین ٹورازم کو لیزپر دیئے جانے سے متعلق ’جدوجہد‘ کی خبر فیس بک نے سنسر کر دی۔ یہ خبر 4روز تک سنسر رہنے کے بعد اپیل کرنے پر دوبارہ بحال کر دی گئی ہے۔ فیس بک نے مذکورہ خبر کا لنک تمام اکاؤنٹس سے کمیونٹی اسٹینڈرڈز کے مغائر قرار دے کر ہٹا دیا تھا۔