15 ستمبر کو سویڈن کے دارلحکومت سٹاک ہولم میں ’لالی و’ڈ اور تقسیم‘ کے موضوع پر’فلم سینٹرم‘ اور ’روزنامہ جدوجہد‘ کے زیر اہتمام مشترکہ سیمینار منعقد ہو گا۔
’فلم سینٹرم‘ ایک ترقی پسند فلم کولیکٹو ہے جس کی بنیاد ساٹھ کی دہائی میں رکھی گئی تھی اور اس کا مقصد ترقی پسند فلمسازوں کے کام کو آگے بڑھانا تھا۔
سیمینار میں معروف اکیڈیمک ڈاکٹر اشتیاق احمداور مدیر جدوجہد فاروق سلہریا تقسیم کے موضوع پر بننے والی پاکستانی فلموں اور دیگر ثقافتی اداروں بارے اپنی تحقیق پر مبنی جائزہ پیش کریں گے۔

کوئلے کے استعمال کے خاتمے کے مطالبے کے تحت پاکستان فشر فوک فورم کی خواتین و دیگر ماحولیاتی و انسانی حقوق کے کارکنوں نے گورنر ہاؤس سے کراچی پریس کلب تک ریلی نکالی گئی، ریلی میں موسمیاتی ایمرجنسی کا اعلان کرکے کوئلے کے استعمال پر پابندی کا مطالبہ کیا۔

بھارت کی سب سے بڑی کمیونسٹ پارٹی سی پی آئی ایم کے جنرل سیکرٹری سیتا رام یچوری 72برس کی عمر میں وفات پا گئے۔ وہ دہلی کے ایک ہسپتال میں سانس کی نالی کے شدید انفیکشن کی وجہ سے زیر علاج تھے، جہاں انہیں 19اگست کو داخل کیا گیا تھا۔

صوبائی ایڈووکیسی فورم فار دی امپاورمنٹ آف ویمن ایگریکلچر ورکرز آف پنجاب نے فلیٹیز ہوٹل لاہور میں خواتین زرعی ورکرز کو درپیش اہم مسائل کو حل کرنے اور ان کو بااختیار بنانے کے لیے آگے بڑھنے کا راستہ طے کرنے کے لیے اجلاس کیا۔AwazCDS-Pakistanکے زیر اہتمام فورم نے سول سوسائٹی کی تنظیموں، سرکاری عہدیداروں، میڈیا کے عملے، اراکین صوبائی اسمبلی، نوجوانوں اور تعلیمی ماہرین کو اس اہم بحث میں شامل کرنے کے لیے اکٹھا کیا۔

اس سال شائع ہونے والی رپورٹ کا عنوان ہے:’سوشل سیکیورٹی اِن ساوتھ ایشیا:اِن ایکویلٹی اینڈ ویلنربلٹی‘۔

روزنامہ’جدوجہد‘ کے سابق مدیر، ڈاکٹر قیصر عباس مرحوم، جو گذشتہ سال وفات پا گئے تھے، کی تحریروں پر مشتمل کتاب’امید سحر کی بات: نثر پارے،تبصرے،مکالمات‘ جمہوری پبلی کیشنز (لاہور)کے زیر اہتمام شائع ہو گئی ہے۔
یہ کتاب روزنامہ ’جدوجہد‘ کے لئے لکھی گئی تحریروں پر مبنی ہے۔ یہ کتاب ڈاکٹر قیصر عباس نے خود مدون کی تھی اور ان کی وفات سے فقط دو دن قبل ہی مکمل ہو سکی تھی۔ اس کتاب میں ڈاکٹر قیصر عباس کی شخصیت اور فن پر بائیں بازو کے معروف رہنما اور روزنامہ’جدوجہد‘ کے ادارتی بورڈ کے رکن، فاروق طارق، کے علاوہ مدیر ’جدوجہد‘فاروق سلہریا کے مضامین بھی شامل ہیں۔

فاروق طارق (فائٹ انیکوالٹی الائنس پاکستان )نے کہاکہ ‘آئی ایم ایف کی جانب سے پاکستان کو نئے قرضے کی شرائط کی وجہ سے پاکستان میں عدم مساوات تاریخی بلندیوں پر ہے ۔ بہت سارے نئے شعبے بشمول جنرل سیلز ٹیکس اور دیگر بالواسطہ ٹیکسوں کا مطلب ہے کہ غریب امیروں کے پرتعیش طرز زندگی کے لیے ادائیگی کر رہے ہیں۔ ہمارا مطالبہ ہے کہ ہم امیروں پر ٹیکس لگائیں، غریبوں پر نہیں۔

اسلامک انٹرنیشنل یونیورسٹی اسلام آباد (IIUI) کے سینکڑوں طلبہ نے وکلاء، سول سوسائٹی کے نمائندوں، صحافیوں اور دیگر طلبہ تنظیموں کے ساتھ نیشنل پریس کلب کے سامنے احتجاج کیا۔ اسلامک سٹوڈنٹس الائنس کی طرف منظم کیا گیا یہ احتجاج IIUI ہوسٹلز سے 4000 سے زائد طلبہ کی ناانصافی پر مبنی بے دخلی اور منتقلی کے خلاف کیا گیا۔ احتجاج میں طلبہ کے ہاسٹلز اور بغیر اجازت سیکڑوں کمروں سے سامان خالی کرنے پر یونیورسٹی انتظامیہ کی مذمت کی گئی۔

13 ستمبر کو پاکستان ایشیا بھر میں ہونے والے مظاہروں کی لہر میں شامل ہوگا، جس میں فوسل فیول کے خاتمے اور قابل تجدید توانائی کی طرف تیزی سے منتقلی کا مطالبہ کیا جائے گا۔ عالمی ماحولیاتی مارچ کا حصہ یہ مظاہرے عالمی رہنماؤں پر زور دیں گے کہ وہ اقوام متحدہ کے سربراہ اجلاس برائے مستقبل اور COP29سے قبل موسمیاتی تبدیلی پر فوری اقدامات کریں۔

بھارتی زیر انتظام جموں کشمیر کے اسمبلی انتخابات میں کالعدم قرار دی گئی جماعت اسلامی نے آزاد امیدواروں کی حمایت کا فیصلہ کیا ہے۔ قبل ازیں جماعت اسلامی نے وزارت داخلہ کے حکام سے ملاقات کر کے انتخابات میں حصہ لینے کیلئے جماعت سے پابندی ہٹانے کا مطالبہ کیا تھا، تاہم وہ مذاکرات ابھی تعطل کا شکار ہیں۔