’الجزیرہ‘ کے مطابق بہت سے مغربی ممالک گرین ہاؤس گیسوں کے اخراج کو کم کرنے کیلئے جوہری توانائی میں اپنی سرمایہ کاری میں اضافہ کر رہے ہیں، جبکہ جرمنی اپنے جوہری دور کا خاتمہ کر رہا ہے۔ برسوں کے تناؤ کے بعد جرمنی نے 2011ء میں جوہری توانائی کو قطعی طور پر چھوڑنے کا عہد اس وقت کیا تھا، جب جاپان کے فوکوشیما حادثے کے بعد فضا میں پھیلنے والی تابکاری نے دنیا کو خوفزدہ کر دیا تھا۔

اتوار کے روز عینی شاہدین نے خرطوم، اومدرمان اور قریبی علاقوں میں بھاری توپ خانے کی فائرنگ کی آواز سنی اور پورڈ سوڈان کے بحیرہ احمد کے شہر میں بھی فائرنگ کی آوازیں سنی گئی، جہاں پہلے لڑائی کی کوئی اطلاع نہیں تھی۔

پلوامہ میں خودکش حملے کے دوران فروری 2019ء میں بھارت کے زیر انتظام کشمیرکے گورنر ستیہ پال ملک نے ایک دھماکہ خیز انٹرویو میں کہا ہے کہ یہ حملہ مودی حکومت کے غلط فیصلوں کا نتیجہ تھا اور اگر یہ غلطیاں نہ کی جاتیں تو حملے میں ہلاک ہونے والے سپاہیوں کی جانیں بچا ئی جا سکتی تھیں۔ اس حملے میں بھارتی سنٹرل ریزرو پولیس فورس، سی آر پی ایف کے چالیس سپاہی ہلاک ہوئے تھے۔

6 سال قبل عبدالولی خان یونیورسٹی مردان میں ہجوم کے ہاتھوں قتل ہونے والے نوجوان طالبعلم رہنما مشال خان اور برطانوی جبر کے خلاف احتجاج کے دوران فوجی دہشت گردی کے نتیجے میں شہید ہونے والے جلیانوالہ باغ کے شہدا کی یاد میں پاکستان کے مختلف شہروں کے علاوہ پاکستان کے زیر انتظام جموں کشمیر کے شہروں میں مختلف تقاریب منعقد کی گئیں۔

اقوامِ متحدہ کے ادارہ برائے تجارت و ترقی کی تازہ رپورٹ کچھ اہم حقائق منظر عام پر لائی ہے جو عالمی سرمایہ دارانہ معیشت کی عمومی زوال پذیری اور بڑھتے ہوئے قرضوں کے پسماندہ اور ترقی پذیر ممالک پہ اثرات کا احاطہ کرتے ہیں۔

فرانسیسی صدر ایمانوئل میکرون کے ریٹائرمنٹ کی عمر 64 سال تک بڑھانے کے غیر مقبول منصوبے کے خلاف فرانس بھر کے شہروں اور قصبوں میں احتجاج کا سلسلہ جاری ہے۔ جمعہ کے روز ہونے والے فیصلے سے قبل 6 لاکھ کے قریب افراد نے سڑکوں پر مارچ کئے۔

ناروے نے روسی سفارتخانے میں کام کرنے والے 15افراد کو ناپسندیدہ قرار دےدیاہے۔ ناروے کی خُفیہ پولیس PSTکے مطابق ملک بدر کئے جانے والے افراد سفارتکار ہونے کی آڑ میں جاسوسی کرتے تھے۔

۱۔ ہم آپ کے توسط سے بھی دونوں ملکوں کے سربراہان سے یہ مطالبہ کرتے ہیں کہ اس معاملے کو سنجیدگی سے لیں اوردونوں طرف کے ان معصوم ماہی گیروں کو رمضان کے مقدس مہینے اورعید کے موقع پر رہا کیا جائے۔
۲۔ 27 اگست، 2010ء میں سپریم کورٹ آف پاکستان نے یہ فیصلہ دیا تھا کہ جس ماہی گیر کی سزا کی مدت پوری ہو چکی ہے اور وہ کسی اور جرم میں ملوث نہیں اسے فوری طور پر رہا کیا جائے۔ جس کے نتیجے میں پاکستان نے 442 قیدی ماہی گیروں کو رہا کیا تھا۔ موجودہ حکومت اس فیصلہ کا احترام کرتے ہوئے ان قیدیوں کو فوری طور پر رہا کرے۔

ایک سروے کے مطابق ورلڈ بینک سمیت متعدد بڑے کاروباری ادارے اور امریکی جامعات کیٹرنگ اسٹاف (فوڈ سروس ورکرز) کو ادائیگیاں وقت پر نہیں کرتے۔ 76 فیصد ورکرز نے وقت پر ادائیگیاں نہ ہونے کی وجہ سے ہڑتال کی دھمکی دی ہے۔

واشنگٹن اور منیلا کے درمیان تعلقات سابق امریکی حمایت یافتہ آمر کے بیٹے اور فلپائن کے صدر فرڈینینڈ مارکوس جونیئر کے عہدہ سنبھالنے کے بعد سے زیادہ قریب تر ہوتے جا رہے ہیں۔ امریکی عسکریت پسندی کے مخالف فلپائن میں بائیں بازو کے گروہوں کے اتحاد ’Bayan‘ کے سیکرٹری جنرل ریناتو رئیز جونیئر کا کہنا ہے کہ ’اگر امریکہ اور چین کے درمیان تنازعہ بڑھتا ہے تو فلپائن جیسے غریب ممالک سب سے زیادہ نقصان اٹھانے والے ہونگے۔‘