ہفتہ کو جاری ہونے والی ایک رپورٹ میں ہیومن رائٹس کمیشن آف پاکستان(ایچ آر سی پی) نے 8فوری کو ہونے والے انتخابات کی سالمیت اور ساکھ کے بارے میں سنگین خدشات کا اظہار کرتے ہوئے متعدد مسائل کا حوالہ دیا ہے۔

’ڈیموکریسی ناؤ‘ کے مطابق کمیٹی ٹو پروٹیکٹ جرنلسٹس کا کہنا ہے کہ 7 اکتوبر سے اب تک غزہ میں 130 سے زیادہ صحافی مارے جا چکے ہیں۔ سی پی جے کے مطابق گزشتہ سال ہلاک ہونے والے صحافیوں میں سے 75 فیصد غزہ پر اسرائیلی حملے میں مارے گئے ہیں۔ 2023ء میں دنیا بھر میں 99 صحافی ہلاک ہوئے، جبکہ 7 اکتوبر سے 31 دسمبر تک غزہ میں 72 صحافی ہلاک ہوئے۔

فصلوں کی قیمتوں میں اضافے کا مطالبہ کرنے والے بھارتی کسانوں نے کہا ہے کہ انہوں نے جمعہ کے روز نئی دہلی تک اپنے جاری احتجاجی مارچ کو اس وقت تک روک دیا ہے،جب تک ان کی یونینز اتوار کو حکومتی وزراء کے ساتھ مذاکرات کا دوسرا دور نہیں کرتیں۔

جموں کشمیر لبریشن فرنٹ کے چیئرمین سردار محمد صغیر خان ایڈووکیٹ نے پریس کانفرنس کرتے ہوئے کہا ہے کہ جو 4فروری2024کی رات محکمہ سروسز اینڈ جنرل ایڈمنسٹریشن کی جانب سے نوٹیفکیشن جاری کیا گیا ہے اور ساتھ ہی حکومتی مصالحتی کمیٹی اور جوائنٹ عوامی ایکشن کمیٹی کے کچھ اراکین کے دستخطوں سے جو معاہدہ سامنے آیا ہے۔ اس کے مندرجات کو 5فروری کو عوام کی بڑی تعداد نے یکسر مسترد کیا ہے۔ہم آج پریس کانفرنس کے ذریعے اس نوٹیفکیشن اور معاہدہ کو یکسر مسترد کرتے ہیں اور اسے عوامی امنگوں سے کھلواڑ اور دھوکہ قرار دیتے ہیں۔

ٹیکسٹائل اور ملبوسات کے شعبے سے تعلق رکھنے والے صنعت کاروں نے کا کہنا ہے کہ صنعت نازک حالت میں ہے اور آنے والے مہینوں میں اس کے پوری معیشت پر بہت برے اثرات مرتب ہونگے۔ انہوں نے خبردار کرتے ہوئے کہا کہ اگر فوری طور پر اصلاحی اقدام نہ اٹھایا گیا تو ٹیکسٹائل اور ملبوسات کے شعبے میں 50فیصڈ سے زائد فرموں کے بند ہونے کا خطرہ ہے، جس کی وجہ سے بڑے پیمانے پر بیروزگاری اور سماجی بدامنی پھیل سکتی ہے۔

’ٹربیون‘ کے مطابق عالمی کریڈٹ ریٹنگ ایجنسی نے ’پاکستان میں غیر حتمی انتخابی نتائج کے بعد سیاسی غیر یقینی صورتحال برقرار اور کریڈٹ منفی‘ کے عنوان سے اپنی رپورٹ میں کہا کہ مجموعی طور پر اپریل 2024میں موجودہ پروگرام کی معیاد ختم ہونے کے بعد ایک نئے آئی ایم ایف پروگرام پر فوری مذاکرات کرنے کی پاکستان کی صلاحیت کے بارے میں غیر یقینی صورتحال بدستور برقرار ہے۔ حکومت کی کیلئے لیکویڈیٹی ور بیرونی کمزوری کے خطرات اس وقت تک بہت زیادہ رہیں گے جب تک قابل اعتبار طویل مدتی فنانسنگ پلان واضح نہیں ہو جاتا۔

پاکستان کسان رابطہ کمیٹی نے چین پر زور دیا ہے کہ وہ پاکستان میں قابل تجدید توانائی میں سرمایہ کاری کرے۔ چین کے نئے قمری سال کے موقع پر پاکستان کسان رابطہ کمیٹی کی جانب سے لاہور پریس کلب کے باہر احتجاجی مظاہرہ کیا گیا۔ اس احتجاج میں لیبر ایجوکیشن فاؤنڈیشن اور تامیر نو ویمن ورکرز آرگنائزیشن سمیت دیگر سرگرم گروپوں نے بھی حصہ لیا۔

بھارتی حکومت کے ساتھ مذاکرات ناکام ہونے کے بعد دارالحکومت نئی دہلی میں ہزاروں کسانوں کے مارچ کو روکنے کیلئے بھارتی فورسز نے منگل کے روز آنسو گیس کی بھاری شیلنگ کی۔ کسان فصل کی کم از کم قیمت کا مطالبہ کر رہے تھے۔

پاکستان کے عام انتخابات میں جہاں آزاد امیدوار سب سے بڑی پارٹی بن کر سامنے آئے ہیں، وہاں بائیں بازو کے گنے چنے امیدواروں کے انتخابی نتائج بھی کچھ حوصلہ افزاء نہیں رہے ہیں۔ پشتون تحفظ موومنٹ کے رہنما اور سابق ممبر قومی اسمبلی علی وزیر بھی الیکشن جیتنے میں اس بار کامیاب نہیں ہو سکے۔ علی وزیر نے گزشتہ انتخابات میں اپنے مد مقابل تمام امیدواروں کے مجموعی ووٹوں سے بھی زائد ووٹ حاصل کر کے کامیابی حاصل کی تھی۔ تاہم پولنگ ختم ہونے کے 32گھنٹے بعد الیکشن کمیشن کی جانب سے فراہم کئے جانے والے نتائج کے مطابق علی وزیر 16194ووٹ لے کر دوسرے نمبر پر رہے ہیں۔

گیلپ پاکستان نے ٹی وی ٹاک شوز کے مواد کا تجزیہ جاری کیا ہے۔ دسمبر2023کے دوران بڑے نجی ٹی وی چینلوں کے 10پروگراموں کے تجزیہ کے مطابق دنیا ٹی وی پر پی ٹی آئی کو سب سے زیادہ نمائندگی دی گئی، جبکہ جیو نیوز پر مسلم لیگ ن کو سب سے زیادہ نمائندگی دی گئی ہے۔