پاکستانی زیر انتظام جموں کشمیر کی سرحدی تحصیل ہجیرہ میں جموں کشمیر نیشنل سٹوڈنٹس فیڈریشن کے ڈپٹی چیف آرگنائزر ارسلان شانی کے خلاف توہین مذہب کا مقدمہ درج کروانے والے درخواست گزار کا تعلق جرائم پیشہ گروہ سے ہونے کا انکشاف ہوا ہے۔

پاکستانی زیر انتظام جموں کشمیر کے ضلع پونچھ کی تحصیل عباسپور میں توہین مذہب کے الزام میں گرفتار این ایس ایف کی رہنما عاصمہ بتول کے اہل خانہ نے پولیس کو درخواست دیتے ہوئے گھر کا گھیراؤ کرنے اور دھمکیاں دینے والے عناصر سے تحفظ دینے کا مطالبہ کیا ہے۔

بلوچ اسٹوڈنٹس آرگنائزیشن کے مرکزی ترجمان نے اپنے جاری کردہ بیان میں کہا ہے کہ سیاسی رہنماؤں کی گرفتاری اور ان پر درج مقدمات ریاستی بوکھلاہٹ کی واضح عکاسی کرتے ہیں کہ وہ ترقی پسند، باشعور و سرگرم سیاسی کارکنوں سے کس قدر خوفزدہ ہیں۔

عدم مساوات کے خلاف اتحاد کے رہنما سہیل جاوید کی جانب سے پریس ریلیز کے مطابق چھوٹے کسانوں، دیہاڑی دار کھیت مزدوروں اور تنخواہ دار طبقے پر عدم مساوات اور معاشی ناانصافی کے مسلسل بڑھتے بوجھ کو مدنظر رکھتے ہوئے’عدم مساوات کیخلاف اتحاد‘نے 29 اگست کو دن 11بجے فیسٹا ہوٹل ملتان میں عوامی اسمبلی کے انعقاد کیا جا رہاہے۔

روزنامہ ’جدوجہد‘ کی ویب سائٹ کچھ تکنیکی مسائل کی وجہ سے کچھ روز ڈاؤن رہی۔ تاہم اب ویب سائٹ دوبارہ بحال ہو گئی ہے۔ قارئین کو ویب سائٹ کی بندش کی وجہ سے مشکلات کا سامنا کرنا پڑا، جس کی وجہ سے ادارہ ان سے معذرت خواہ ہے۔ جدوجہد کی تکنیکی ٹیم اس تعطل کی وجوہات جاننے کی کوشش کر رہی ہے۔ امید کرتے ہیں کہ مستقبل میں اس طرح کے مسائل نہیں ہونگے۔

اس ویبینار کو مدیر جدوجہد فاروق سلہریا ماڈریٹ کریں گے۔اس ویبینار کا مقصد روز نامہ جدوجہد کے لئے فنڈ ریزنگ ہے۔یاد رہے،سوشلسٹ روایات کے مطا بق روزنامہ ’جدوجہد‘ اپنے انقلابی ہمدردوں کی جانب سے دی گئی انفرادی مالی مدد سے چلایا جاتا ہے۔ روزنامہ ’جدوجہد‘نہ تو کمرشل اشتہارات پر انحصار کرتا ہے نہ ہی کسی ریاستی و غیر ریاستی ادارے سے کسی قسم کی مالی مدد قبول کرتا ہے۔

عاصمہ بتول اور ارسلان شانی کے خلاف چند روز قبل ہجیرہ تھانہ میں درخواست دی گئی تھی۔ بعد ازاں عاصمہ بتول کے خلاف عباسپور تھانہ میں بھی درخواستیں دی گئیں۔ عباسپور پولیس نے بذریعہ خاندان پیر کے روز عاصمہ بتول کو پولیس اسٹیشن طلب کیا تھا کہ ان کے خلاف درخواست ہے۔ وہ پولیس اسٹیشن میں حاضر ہوں تو معاملہ افہام و تفہیم سے حل کر لیا جائے گا۔ تاہم عاصمہ بتول پیر کی صبح جب عباسپور پولیس اسٹیشن میں پہنچیں تو انہیں بتایا گیا کہ ان کے خلاف اتوار 25اگست کو مقدمہ درج کر لیا گیا تھا۔

مقررین نے ریاستی اسٹیبلشمنٹ اور کاروباری، زرعی اور صنعتی اشرافیہ کے درمیان خفیہ اتحاد پر افسوس کا اظہار کیا، جس کے بارے میں ان کا کہنا تھا کہ اس کا نتیجہ دولت کی غیر مساوی تقسیم اور ایک صارفیت پر مبنی معیشت کی صورت میں نکلا ہے جس کے باعث لاکھوں لوگوں کو اپنے اخراجات کو پورا کرنے میں مشکلات کا سامنا ہے۔

ذرائع کا کہنا ہے کہ نہ صرف یونیورسٹی کی زمینوں کو قانون حصول اراضی کی خلاف ورزی کرتے ہوئے فروخت کرنے کی منصوبہ بندی کی جا رہی ہے۔ دوسری جانب یونیورسٹی کی زمین صرف یونیورسٹی ہی فروخت کر سکتی ہے اور اس سے حاصل ہونے والی رقم یونیورسٹی کے اکاؤنٹ میں ہی جمع کروائی جا سکتی ہے۔ زمینوں کے معاوضے صوبائی حکومت نے ادا کرنے ہیں۔ صوبائی حکومت یونیورسٹیوں کی زمینیں فروخت کر کے معاوضے ادا نہیں کر سکتی۔ اس طرح حکومت دہرے غیر قانونی اقدام کی تیاریاں کر رہی ہے۔

اتوار کے روز ملک بھر میں ڈاکٹروں نے ہڑتال کی، جس کی وجہ سے پورے ملک میں ایمرجنسی کے علاوہ تمام طبی خدمات کا سلسلہ معطل رہا۔ بدھ کی شب ہزاروں خواتین نے پورے ملک میں کینڈل لائٹ احتجاج کیا۔ خواتین کے اس احتجاج کو نائٹ مارچ قرار دیا گیا تھا اور یہ مارچ مختلف شہروں میں منعقد ہوا۔