مراکش میں ورلڈ بینک اور آئی ایم ایف کے سالانہ اجلاس کے موقع پر پاکستان کسان رابطہ کمیٹی نے پاکستان کے مختلف شہروں میں 12 اکتوبرکومظاہرے کرنے کا اعلان کیا ہے۔ 12 اکتوبر کو لاہور، کراچی، ٹوبہ ٹیک سنگھ، شکار پور اور ملتان میں احتجاجی مظاہرے ہوں گے۔ 12 اکتوبر کو لاہور اور 14 اکتوبرکو اسلام آبادمیں عوامی عدالت لگائی جائے گی۔ 11 اکتوبر کوقصور مزدور حقوق کا کارواں نکا لا جا رہا ہے۔ جس میں تمام ٹریڈ یونین اور کسانوں کی تنظیمیں مشترکہ طور پر احتجاج کریں گی اور قصور، پاکپتن، دیپال پور اور پنجاب کے دیگر اضلاع کے سیلاب متاثرین کی بحالی اور ان کے ذمہ قرضہ جات کے خاتمے کا مطالبہ کیا جائے گا۔

ہیرات کے محکمہ صحت کے ایک اہلکار نے بتایا کہ ہلاک ہونے والوں میں سے 200سے زائد افراد کو مختلف ہسپتالوں میں لایا گیا، ان میں زیادہ تر خواتین اور بچے شامل تھے۔

پاکستانی زیر انتظام جموں کشمیر میں عوامی حقوق تحریک چھٹے ماہ میں داخل ہو گئی ہے۔ 10اکتوبر کو پاکستانی زیر انتظام جموں کشمیر کے تمام ضلعی اور تحصیل صدر مقامات سمیت چھوٹے بڑے بازاروں اور دیہاتوں میں خواتین کے احتجاجی مظاہرے منعقد کئے گئے۔ ان احتجاجی مظاہروں میں ہزاروں کی تعداد میں خواتین نے شرکت کرتے ہوئے عوامی حقوق تحریک میں اپنی بھرپور شمولیت کا اظہارکیا ہے۔

عوامی ایکشن کمیٹی کی طرف سے دیے گئےلائحہ عمل کے مطابق اگلے حصے میں 10 اکتوبر کو خواتین اور بچوں کی ریلیاں نکالی جائیں گی اور 17 اکتوبر کو طلبہ تنظیمیں مظاہرے کریں گیں۔

یاد رہے 17 اگست کو نیو یارک ٹائمز نے ایک رپورٹ میں دعوی کیا تھا کہ’نیوز کلک‘بھارتی نژاد امریکی کروڑ پتی شہری بویل رائے سنگھم سے پیسے وصول کر کے چینی پراپیگنڈہ کرتی ہے۔ ٹائمز کا دعوی تھا کہ نیول رائے سنگھم چین کے قریب ہیں۔ ’نیوز کلک‘نے اس رپورٹ کی شدید مذمت کرتے ہوئے اسے نہ صرف بے بنیاد قرار دیا بلکہ قانونی چارہ جوئی کی دھمکی بھی دی۔

فاروق سلہریا اپنے مقالے میں ان پاکستانی فلموں کا جائزہ پیش کریں گے جن کا موضوع جہاد یا توہین مذہب تھا۔ اس موضوع پر ان کی تحقیق ایک باب کی شکل میں ان کی ڈاکٹر قیصر عباس (مدیر اعلیٰ روزنامہ جدوجہد) کے ہمراہ مدون کی گئی کتاب ’فرام ٹیرر ازم ٹو ٹیلی ویژن‘ میں شامل ہے۔

اقوام متحدہ کے ادارہ برائے پناہ گزین کے مطابق اس سال یورپ 2,500 پناہ گزین ہلاک یا لاپتہ ہو چکے ہیں۔ گذشتہ سال یہ تعداد 1,700 تھی۔
اقوام متحدہ نے یورپی اقوام پر زور دیا ہے کہ وہ پناہ گزینوں کی زندگیاں بچانے کے لئے زیادہ اقدامات کریں۔ دریں اثنا، پاکستان میں افغان پناہ گزینوں کی گرفتاریوں میں بھی زبردست اضافہ ہوا ہے۔
یاد رہے، اس سال پناہ گزینوں کو غیر قانونی طور پر یورپ لے جاتے ہوئے ایک بحری جہاز ڈوب گیا تھا جس میں تین سو پاکستانی و کشمیری شہری بھی ہلاک ہوئے تھے۔

پاکستانی زیر انتظام جموں کشمیرمیں جاری عوامی حقوق تحریک پر ریاستی کریک ڈاؤن کے خلاف ایک بار پھر ہزاروں افراد سڑکوں پر نکل آئے۔ مظفر آبادمیں احتجاج کو روکنے کیلئے ہفتہ کے روز ایکشن کمیٹی کے 20 سے زائد اراکین کو گرفتار کیا۔ دھرنا اکھاڑ دیا گیا اور مظاہرین کو آنسو گیس کی شیلنگ اور لاٹھی چارج کے ذریعے منتشر کیا گیا۔ تاہم شہریوں نے بڑی تعداد میں دوبارہ جمع ہو کر بھرپور احتجاج کرتے ہوئے پولیس کو پسپا کر دیا اور دوبارہ دھرنا قائم کر دیا۔

اجلاس میں فیصلہ ہوا کہ کہ کمیٹی کے زیراہتمام بروز منگل3 بجے دن 3 اکتوبر راولپنڈی پریس کلب عوامی ایکشن کمیٹیز کی یکجہتی اور حمایت میں ریاستی تشدد اور جبر کے خلاف بھرپور مظاہرہ کیا جائے گا۔ اس مظاہرے کے لئے راولپنڈی اسلام آباد میں بھرپور کمپئین کی جائے گی اور بڑے پیمانے شرکت کی اپیل کی جائے گی۔

پاکستان کسان رابطہ کمیٹی، لیبر ایجوکیشن فاؤنڈیشن اور تمیرنو ویمن ورکرز آرگنائزیشن کے زیر اہتمام لاہور پریس کلب کے باہر احتجاجی مظاہرہ کیا گیا۔ یہ احتجاج 5 اکتوبر کو جرمنی کے شہر بون میں ہونے والی گرین کلائمیٹ فنڈ (جی سی ایف) کی دوسری کانفرنس سے چند روز قبل منظم کیا گیا، جس میں عالمی جنوب کی حکومتیں موسمیاتی تباہی سے ہونے والی تباہی کی مد میں فنڈنگ میں اضافے کا اعلان کریں گی۔