پاکستانی زیر انتظام جموں کشمیر میں شدید بارش اور سرد موسم کے باوجود ہزاروں طلبہ نے احتجاجی مظاہرے منعقد کئے۔ مظفرآباد، پونچھ اور میرپور ڈویژن کے تمام ضلعی اور تحصیل صدر مقامات سمیت چھوٹے بڑے بازاروں میں احتجاجی ریلیاں اور پروگرامات منعقد کئے گئے۔ جموں کشمیر سے تعلق رکھنے والے طلبہ نے پاکستان کے بڑے شہروں اسلام آباد، لاہور اورکراچی میں بھی پریس کلبوں کے سامنے احتجاجی مظاہرے کئے۔

ہڑتال کے باعث سرکاری سکولوں میں حاضری 20فیصد سے بھی کم ہو گئی ہے۔ اساتذہ کا کہنا ہے کہ تعلیمی اداروں کی نجکاری کا منصوبہ ترک کیا جائے۔ 1ہزار سکولوں کو این جی اوز کے حوالے کرنے کا فیصلہ واپس لیا جائے۔ لیو انکیشمنٹ، گریجویٹی اور پنشن کے قوانین میں کی گئی تبدیلی فوری واپس لی جائے۔ اساتذہ نے بڑے شہروں کے ساتھ ساتھ اظہار میں بھی احتجاج اور ہڑتال کر رکھی ہے۔

بلجئین حکومت کے مطابق قاتل عبدلاسلام نے 2019 میں سیاسی پناہ حاصل کرنے کی درخواست دی تھی۔ یہ درخواست رد ہونے کے بعد وہ ملک میں غیر قانونی طور پر رہائش پزیر تھا۔حکومت کے مطابق یہ قتل سویڈن میں قرآن نذر آتش کرنے کا بدلہ ہیں کیونکہ قاتل، جو اگلے روز پولیس کے ہاتھوں ہلاک ہو گیا، نے اپنی سوشل میڈیا پوسٹ میں اس طرف اشارہ دیا تھا۔

اسٹیٹسکا کے ڈیٹا کے مطابق 2008ءمیں 3ہزار202فلسطینی زخمی و ہلاک ہوئے، جبکہ 853فلسطینی ہلاک و زخمی ہوئے۔ 2009ءمیں 7ہزار460فلسطینی ہلاک و زخمی ہوئے، جبکہ 123اسرائیلی ہلاک و زخمی ہوئے۔ 2010ءمیں 1659فلسطینی ہلاک و زخمی ہوئے، جبکہ 185اسرائیلی ہلاک و زخمی ہوئے۔ 2011ءمیں 2260فلسطینی اور136اسرائیلی، 2012ءمیں 4936فلسطینی اور578اسرائیلی، 2013ءمیں 4031فلسطینی اور157اسرائیلی، 2014ءمیں 19860فلسطینی اور2796اسرائیلی، 2015ءمیں 14813فلسطینی اور339اسرائیلی، 2016ءمیں 3572فلسطینی اور 222اسرائیلی، 2017ءمیں 8526فلسطینی اور174اسرائیلی، 2018ءمیں 31558فلسطینی اور130اسرائیلی، 2019ءمیں 15628فلسطینی اور 133اسرائیلی، جبکہ 2020ءمیں 2781فلسطینی اور61اسرائیلی شہری ہلاک و زخمی ہوئے۔

رپورٹ کے مطابق اسرائیلی گولہ باری کے نتیجے میں تقریباً50ہیڈکوارٹر اور میڈیا ادارے تباہ ہو گئے، جن میں الاقصیٰ میڈیا نیٹ ورک، معن نیوز ایجنسی، القدس اخبار، بلدنا ریڈیو، زمان ریڈیو، القرآن ریڈیو، الجزیرہ، نیٹ ورک آفس، فلسطین ٹی وی اور اے ایف پی کے دفاتر شامل ہیں۔

جلسہ عام سے خطاب کرتے ہوئے پاکستان کسان رابطہ کمیٹی کے جنرل سیکرٹری فاروق طارق نے کہا کہ 16 اکتوبر 2023 کو ہم دنیا کے کسان، ایک بار پھر بین الاقوامی کارپوریشنوں کے خلاف خوراک کی خودمختاری کے لئے احتجاج کر رہے ہیں۔ آج کے دن خوراک کی خودمختاری کی عالمی تحریک زرعی کارپوریشنوں کے ہاتھوں میں خوراک کے نظام کے کنٹرول کی مذمت کرتی ہے۔ عالمی کارپوریٹ نیٹ ورک کی وجہ سے دنیا میں لاکھوں لوگ بھوک اور غریب کا شکار ہیں۔