معلوم نہیں کہ ابسن نے 142 سال پہلے فیصلہ سازی کرنے والوں کے بارے یہ ڈرامہ لکھتے ہوئے سوچا تھا کہ کبھی اردو پڑھنے والے بھی اُن کے ڈرامے سے لُطف اندوز ہونگے۔ اس ڈرامے کا اردو ترجمہ ناروے کے پاکستانی نژاد صحافی، دستاویزی فلم میکر اور مصنف عطا انصاری نے بڑی مہارت سے کیا ہے۔

مظاہرین سے خطاب کرتے ہوئے حقوق خلق پارٹی کے صدر فاروق طارق نے کہا کہ مولانا شہباز کا قصور صرف یہ ہے کہ وہ کم از کم تنخواہ کا مطالبہ کر رہے تھے، وہ مزدوروں کے حقوق اور ہیلتھ اینڈ سیفٹی کی بات کر رہے تھے۔ انہیں جب ترقی کی پیشکش کی گئی تو انہوں نے وہ ترقی لینے سے انکار کیا اور یونین میں کام کرنے کو ترجیح دی۔

وینزویلا کے عام انتخابات میں صدر نکولس مادورو کی فتح کے اعلان کو اپوزیشن نے جعل سازی قرار دیا ہے۔ اپوزیشن کی جانب سے انتخابی نتائج ماننے سے انکار کے بعد ہنگامہ آرائی اور بڑے پیمانے پر احتجاج شروع ہو گیا ہے۔ مظاہرین کے خلاف ریاست کے کریک ڈاؤن میں 11افراد کی ہلاکتیں ہو چکی ہیں۔