چین پاکستان اقتصادی راہداری (سی پیک) کے آغاز کو 10 سال مکمل ہو چکے ہیں۔ یہ ایک ایسا منصوبہ ہے جس نے پاکستان میں ایک بڑی اقتصادی تبدیلی لانے کا وعدہ کیا تھا۔ اگرچہ کچھ پیش رفت ہوئی ہے، لیکن مجموعی تصویر اصل نقطہ نظر اور اہداف سے بہت دور ہے۔ سکیورٹی چیلنجز، کمزور گورننس اور تاخیر نے اپنا کردار ادا کیا ہے۔ اس کے باوجود اس کہانی کا سب سے نازک اور تکلیف دہ حصہ بلوچستان کا اخراج ہے۔ سی پیک کے لیے سٹریٹجک لحاظ سے سب سے اہم خطہ ہونے کے باوجود یہ حاشیے پر ہی رہاہے۔ یہ صرف پالیسی کی ناکامی نہیں ہے بلکہ ناانصافی کا واضح معاملہ ہے۔
