وکٹم بلیمنگ کا سلسلہ براہ راست نہ بھی ہو تو بالواسطہ طور پر یہ طالبات کو بتایا جا رہا ہے کہ انہیں کیمپس کے احاطہ میں بھی کلاس کے اندر ہی رہنا چاہیے اور کلاس سے نکل کر سیدھا گھر جانا چاہیے یعنی آپ لوگ باہر نکلا ہی نہ کریں تاکہ کوئی آپ کو ہراساں نہ کر سکے۔

قانون ساز وں کے یہ انتخابات ایک نئے سکیورٹی قانون کے تحت ہونے والے پہلے انتخابات ہیں۔ مذکورہ قانون کے تحت صرف وہی افراد انتخاب میں حصہ لے سکتے ہیں جنہیں ریاست کی طرف سے ’محب وطن‘ قرار دیا گیا ہو۔

کالم کے مطابق طاقتور افسرکی پشاور میں نواز شریف کے ایک نمائندہ سے ملاقات سے نہ تو راولپنڈی میں کوئی زیادہ خوشی محسوس کی گئی اور نہ ہی وزیر اعظم عمران خان زیادہ خوش ہوئے۔

فریال تالپور بھی آصف علی زرداری کا پیغام لیکر لندن میں موجود ہیں اور نوازشریف سے ملاقات کا انتظار کر رہی ہیں۔

پاکستان کی طرف سے سپیکر قومی اسمبلی اسد قیصر نے اس اجلاس سے خطاب بھی کیا۔ تاہم ممبر قومی اسمبلی محسن داوڑ نے یہ دعویٰ کیا تھا کہ سپیکر قومی اسمبلی نے ممبران اسمبلی کو اس اجلاس سے نہ صرف لاعلم رکھا بلکہ پوری کوشش کی گئی کہ اپوزیشن میں سے کوئی بھی رکن اسمبلی اس اجلاس میں شریک نہ ہو سکے۔

افغانستان کی صورتحال کافی گھمبیر ہے اور خواتین اپنے تقریباً تمام حقوق کھو چکی ہیں، غربت اور بھوک نے لوگوں کو اپنے بچے اورگھریلو سامان بیچنے پر مجبور کر دیا ہے لیکن اس اذیت اور تکلیف کے باوجود افغان خواتین مزاحمت کیلئے اٹھ رہی ہیں اور طالبان کی سختیوں اور سخت قوانین سے انکار کر رہی ہیں۔

نثار شاہ ایڈووکیٹ نے سیالکوٹ سانحہ پر ریاست، حکومت سیاسی جماعتوں اور مذہبی گروہوں کے بیانئے کو بنیاد ی مسئلہ قرار دیتے ہوئے کہا کہ واقعہ کے خلاف جتنے بھی مذمتی بیانات آئے ہیں ان میں ملوث افراد کو سزائے موت دینے کی بات کی گئی جبکہ اصل بات سزا نہیں بلکہ مسئلہ کا تدارک کرنا ہے۔

کانفرنس میں فیصلہ کیا گیا کہ 17 جنوری سے 22 جنوری کے دوران منعقد ہونے والے ورلڈ اکنامک فورم کے دوران ملک بھر کے 20 شہروں میں عدم مساوات کے خلاف ریلیاں، مظاہرے، مشاعرے، تھیٹر اور دیگر پبلک سرگرمیوں کا انعقاد کیا جائے گا۔

جنوبی وزیرستان سے ممبر قومی اسمبلی علی وزیر کی درخواست ضمانت پر سماعت 28 دسمبر تک موخر کر دی گئی ہے۔

ساؤتھ ایشیا ڈیموکریسی واچ کے ایگزیکٹو ڈائرکٹر ڈاکٹر قیصر عباس نے مقررہ کا تعارف کراتے ہوئے کہا کہ ڈاکٹر انیتا واعظ ان تجزیہ نگاروں میں نہیں ہیں جو ایک بار ملک کا دورہ کر کے اس کے ماہر بن جاتے ہیں۔ وہ ہر سال پاکستان جاتی ہیں، لوگوں کے درمیان رہتی ہیں اور ان کی تقریبات میں حصہ لیتی ہیں۔ وہ پاکستان کی سیاست، خواتین اور سماجی مسائل پر کئی کتابوں کی مصنفہ ہیں اور یونیورسٹی آف اوریگن میں درس و تدریس سے منسلک ہیں۔