انورادھا چنائے
بحیرۂ اسود کے اناج کے منصوبے کے خاتمے کے بعد پیدا ہونے والا عالمی غذائی بحران عالمی جنوب پر غیر متناسب طور پر اثر انداز ہورہا ہے، لیکن کیا اناج کی ان کھیپوں کی بحالی سے بہت سے ممالک میں پھیلی ہوئی شدید بھوک ختم ہو جائے گی؟ اگر بحرانوں کی بنیادی اور حقیقی وجوہات کو تسلیم کیا جائے اور ان پر توجہ دی جائے تو سنجیدہ تحقیق حل فراہم کرتی ہے۔
جنگ، تقسیم اور نقل و حمل کی خرابی (روس یوکرین)، بدلتے ہوئے موسمیاتی پیٹرن (پاکستان کاسیلاب)، بڑے برآمد کنندگان سے برآمدات میں کمی (بھارت کی منتخب چاول کی برآمدات پر پابندی) جیسے عوامل قیمتوں میں اضافے کا باعث بنتے ہیں۔ تاہم، دہائیوں کی تحقیق نے یہ ثابت کیا ہے کہ دنیا کو کھلانے کے لئے کافی خوراک کی پیداوار موجود ہے؛ غذائی عدم تحفظ کا مسئلہ کہیں اور ہے۔
مثال کے طور پر 2021ء میں گندم کی قیمتوں میں اضافہ ہونا شروع ہوا اور یوکرین پر روسی حملے اور پابندیوں کے نفاذ کے بعد اس میں اوراضافہ ہوا۔ لیکن اسی عرصے میں گندم کی عالمی پیداوار میں اضافہ ہوا اور اس فرق کی تلافی کی جا سکتی تھی۔ چار کمپنیاں (آرچر ڈینیئل مڈلینڈ، بنج، کارگل اور لوئس ڈریفس) عالمی اناج کی تجارت کے 70 سے 90 فیصد کو کنٹرول کرتی ہیں۔ انہوں نے جنگ کے دوران بہت زیادہ منافع کمایا ہے کیونکہ اناج ناقابل برداشت ہو گیا ہے اور 345 ملین لوگ شدید غذائی عدم تحفظ کا سامنا کر رہے ہیں۔ انتہائی غربت سے متعلق اقوام متحدہ کے خصوصی نمائندے اولیور ڈی شٹر کا کہنا ہے کہ یہ کمپنیاں بھوک کے بحران کو روکنے کے لیے مزید اقدامات کر سکتی تھیں۔ افریقی یونین کے چیئرپرسن اور سینیگال کے صدر میکی سال نے کہا کہ پابندیوں کے کھیل میں افریقہ کو بہت نقصان پہنچا ہے۔
اسی طرح روس پر پابندیوں کے بعد کھاد کی قیمتوں اور گیس کی قیمتوں میں اضافہ ہوا، لیکن انسٹی ٹیوٹ فار ایگریکلچر اینڈ ٹریڈ پالیسی جیسے مطالعات سے پتہ چلتا ہے کہ دنیا کی 9 بڑی فرٹیلائزر کمپنیوں کے منافع میں کھاد کی قیمتوں میں اضافے سے بھی زیادہ اضافہ ہوا ہے۔ انٹرنیشنل فوڈ پالیسی ریسرچ کی تحقیق سے پتہ چلتا ہے کہ اس طرح کے ارتکاز سے مارکیٹ کی مشقت میں اضافہ ہوتا ہے، جس سے پروڈیوسر خام مال کی قیمتوں میں اضافے کا فائدہ اٹھاتے ہیں، جس سے کسانوں کو نقصان پہنچتا ہے۔ لہٰذا یہ بحران ایم این سیز کے لیے ایک موقع تھا جبکہ کم آمدنی والے ممالک کے اربوں چھوٹے کسان دیوالیہ ہو چکے تھے۔
نجی سرمایہ کاری اور غیر ملکی امداد کیمیائی کھادوں کے بڑھتے ہوئے استعمال اور زیادہ پیداوار اور جینیاتی طور پر ترمیم شدہ بیجوں کے استعمال کو فروغ دیتی ہے۔ ان تبدیلیوں نے گلوبل ساؤتھ کے کسانوں کو غیر محفوظ بنا دیا ہے (یکساں تشویش کی بات یہ ہے کہ یہ کیمیائی کھاد گرین ہاؤس گیسوں کے بڑے اخراج کنندہ ہیں)۔
اجناس کی فیوچر مارکیٹوں میں مالی سرگرمی نے بھی قیمتوں میں اضافہ کیا ہے۔
جی 20 (2012ء) کی ایک رپورٹ سے پتہ چلتا ہے کہ مستقبل کی قیمتوں پر ”حد سے زیادہ اتار چڑھاؤ“ قیمتوں کے نظام میں سنگین خامیوں کا باعث بنتا ہے اور ترقی پذیر ممالک پر منفی اثرات مرتب کرتا ہے۔ گلوبل ڈیولپمنٹ اینڈ انوائرنمنٹل انسٹی ٹیوٹ جیسے ماہرین کی سفارشات میں مالی قیاس آرائیوں کو کم کرنے کے لیے مزید موثر اصلاحات کا مطالبہ کیا گیا ہے۔
ایف اے او (FAO) نے خبردار کیا ہے کہ شدید غذائی عدم تحفظ کا سامنا کرنے والے اور زندگی بچانے والی خوراک کی مدد کی ضرورت والے افراد کی تعداد خطرناک شرح سے بڑھ رہی ہے۔ خوراک کے عالمی بحران سے نمٹنے کے لئے فوری اقدامات کی ضرورت ہے۔ کمزور ممالک کو خوراک کے ذخائر اور بفر اسٹاک بنانے میں مدد مل سکتی ہے۔ مزید برآں، فصلوں اور زمینوں کی بڑے پیمانے پر توسیع اور نمائش کو بائیو فیول تک محدود کرنے کی فوری ضرورت ہے۔ مثال کے طور پر امریکہ جیسے صنعتی ممالک ایتھنول اور مویشیوں کو کھلانے کے لئے مکئی اور سویا کا استعمال کرتے ہیں۔ مسابقتی مطالبات قیمتوں کو اوپر لے جاتے ہیں اور مصنوعی قلت پیدا کرتے ہیں۔ افریقہ کی طرح صنعتی زراعت کے لیے لاکھوں ایکڑ زمین لیز پر دینے کے عمل کو بھی کنٹرول کرنے کی ضرورت ہے۔ اس طرح کی غیر منظم منڈیاں ترقی پذیر ممالک کی غذائی پیداوار کی صلاحیت پر سمجھوتہ کرتی ہیں اور چھوٹے کسانوں کو بے دخل کر دیتی ہیں۔ اس کے بعد خوراک درآمد کرنے والے ممالک اپنے ڈالر کے ذخائر کو خوراک اور ایندھن درآمد کرنے کے لیے استعمال کرنے پر مجبور ہوتے ہیں۔ نتیجتاً وہ قرض کے جال میں پھنس جاتے ہیں۔
تجربہ اس بات کو ثابت کرتا ہے کہ ایگروعقلوجی جیسے فصلوں کی گردش، قدرتی کھاد اور حشرہ کش دوائیں اور روایتی طور پر استعمال ہونے والے متبادل طریقہ کار کو حکومتوں کی طرف سے منطقی اور پائیدار طریقے سے حوصلہ افزائی اور سبسڈی دی جانی چاہئے۔ اس سے پیداواری صلاحیت میں اضافہ ہو گا، مٹی کا معیار برقرار رہے گا، پیداوار میں اضافہ ہوگا اور کسانوں اور زمین دونوں کی حفاظت ہو گی۔ چونکہ 18وی جی 20 سربراہی اجلاس ستمبر میں ہندوستان میں ہو گا اور عالمی زراعت ایجنڈے میں سرفہرست ہے، لہٰذا غذائی تحفظ سے متعلق نئے قواعد منظور کیے جانے چاہئیں۔
خوراک پیدا کرنے والوں اور صارفین کے درمیان تعلق کو توڑنا نہیں چاہئے۔ گلوبل ساؤتھ چھوٹے کھیتوں پر کاشت کی جانے والی غذائی فصلوں پر منحصر ہے جو مقامی مارکیٹوں کے ذریعے صارفین تک پہنچتی ہیں۔ جب خوراک کے نظام پر ملٹی نیشنل کارپوریشنوں کا غلبہ ہوتا ہے، تو پیداوار اور تقسیم پر وہ قبض ہو جاتے ہیں اور یہ لنک خطرے میں پڑ جاتا ہے۔ خوراک کے حق سے متعلق اقوام متحدہ کے خصوصی نمائندے مائیکل فخری کا کہنا ہے کہ لوگوں کی حقیقی ضروریات کو مدنظر رکھے بغیر رابطہ منقطع ہوتا رہے گا۔ مقامی رسد اور مقامی کھپت کے درمیان تعلق میں وقفہ عالمی غذائی معیشت کے ٹوٹنے کا اشارہ ہے۔ عالمی پالیسی سازوں کو سنجیدہ اور فوری طور پر ضروری تبدیلیاں کرنے کی ضرورت ہے جو مجموعی طور پر خوراک کے نظام کو مدنظر رکھیں۔
(بشکریہ: دی نیشن، ترجمہ: قمر عباس)
Anuradha Chenoy
انورادھا چنائے جندل گلوبل یونیورسٹی کی اسسٹنٹ پروفیسر اور پہلے جواہر لال نہرو یونیورسٹی سے بھی وابستہ رہی ہیں۔