لاہور (جدوجہد رپورٹ) فلسطین پر اسرائیلی جارحیت کے خلاف پاکستان اور پاکستان کے زیر انتظام جموں کشمیر کے مختلف شہروں میں احتجاجی مظاہروں کا انعقاد کیا گیا۔ جمعرات کے روز پاکستان ٹریڈ یونین ڈیفنس کمپئین(پی ٹی یو ڈی سی)، جموں کشمیر نیشنل سٹوڈنٹس فیڈریشن(جے کے این ایس ایف) اور انقلابی طلبہ محاذ(آر ایس ایف) کے زیر اہتمام صادق آباد، دادو، جام پور، مظفرآباد، باغ، کھائی گلہ اور ہجیرہ میں احتجاجی مظاہروں کا انعقاد کیا گیا۔
صادق آباد میں پی ٹی یو ڈی سی اور آر ایس ایف کے زیر اہتمام پریس کلب کے سامنے احتجاجی مظاہرہ کیا گیا، اس احتجاجی مظاہرہ سے پی ٹی یو ڈی سی کے مرکزی صدر قمر الزمان خان سمیت دیگر مقررین نے خطاب کیا اور فلسطینی عوام کے ساتھ اظہار یکجہتی کیا گیا۔
جام پور میں پی ٹی یو ڈی سی اور آر ایس ایف کے زیراہتمام پریس کلب کے سامنے احتجاجی ریلی کا انعقاد کیا گیا، اس ریلی سے کسان رہنما رؤف لنڈ بلوچ، شہریار ذوق اور دیگر مقررین نے خطاب کیا۔
دادو پریس کلب کے سامنے پی ٹی یو ڈی سی اور آر ایس ایف کے زیر اہتمام احتجاجی مظاہرے کا انعقاد کیا گیا، اس احتجاجی مظاہرے کے شرکاء سے پی ٹی یو ڈی سی سندھ کے صدر انور پنہور، سعید خاصخیلی اور دیگر مقررین نے خطاب کیا۔
مظفرآباد میں جموں کشمیر نیشنل سٹوڈنٹس فیڈریشن اور پی ٹی یو ڈی سی کے زیر اہتمام احتجاجی ریلی کا انعقاد کیا گیا، اس ریلی سے راشد شیخ، خواجہ جمیل، اویس علی اور دیگر مقررین نے خطاب کیا۔
باغ میں جموں کشمیر نیشنل سٹوڈنٹس فیڈریشن اور پی ٹی یو ڈی سی کے زیراہتمام احتجاجی ریلی کا انعقاد کیا گیا، اس ریلی سے قائمقام صدر این ایس ایف راشد باغ، قائمقام سیکرٹری جنرل باسط ارشاد، عمر عبداللہ، شاہ ذیب خان اور دیگر مقررین نے خطاب کیا۔
کھائی گلہ میں جموں کشمیر نیشنل سٹوڈنٹس فیڈریشن اور پی ٹی یو ڈی سی کے زیراہتمام احتجاجی ریلی کا انعقاد کیا گیا، اس ریلی کے شرکاء سے سابق چیف آرگنائزر این ایس ایف تنویر انور، رہنما پی ٹی یو ڈی سی واجد خان، چیف آرگنائزر این ایس ایف تیمور سلیم اور دیگر مقررین نے خطاب کیا۔
ہجیرہ میں جموں کشمیر نیشنل سٹوڈنٹس فیڈریشن اور پی ٹی یو ڈی سی کے زیراہتمام احتجاجی ریلی کا انعقاد کیا گیا، اس ریلی کے شرکاء سے چیئرمین جامعہ پونچھ مجیب خان، اسامہ پرویز، عثمان عزیز، اسامہ ریاض اور دیگر مقررین نے خطاب کیا۔
