رپورٹ کے مطابق یہ پراپرٹی 2022ء کے اوائل میں 38.5 ملین پاؤنڈ میں فروخت کی گئی۔ یہ رقم بھی این سی اے نے پاکستان کو واپس کر دی تھی۔ اس میں انسداد بدعنوانی مہم کے حوالے سے بھی کہا گیا ہے کہ پاکستان میں ہنگامہ آرائی نے ملک ریاض کے فائدے کیلئے سیٹلمنٹ سے فنڈ حاصل کرنے میں این سی اے کے کردار پر بھی سنگین سوالات اٹھائے ہیں۔

بدھ کے روز عالمی ادارہ صحت کی جانب سے ’سگریٹ نوشی کے خلاف عالمی دن‘ منایا گیا۔ اس موقع پر سی بی سی سے جاری ہونے والی رپورٹ کے مطابق، دنیا میں جہاں روز 1.2 ارب افراد سگریٹ نوشی کرتے ہیں وہاں سویڈن میں سگریٹ نوشی کرنے والے افراد کی تعداد 5 فیصد رہ گئی ہے۔ اگر کسی ملک میں سگریٹ نوشوں کی تعداد آبادی کے پانچ فیصد سے کم ہو جائے تو کہا جا سکتا ہے کہ اس ملک میں سگریٹ نوشی ختم ہو گئی ہے۔

ایک اے آئی انٹرپرینیور کے مطابق مصنوعی ذہانت کی پیشرفت کمپیوٹر کیوسک اور روبوٹس کو 5 سے 10 سالوں کے اندر فاسٹ فوڈ کی زیادہ تر ملازمتوں کو تبدیل کرنے کی اجازت دے گی۔

’مارکس سے خائف لوگ‘ ایک انتہائی دلچسپ کتاب ہے، جو پاکستانی سماج، اسکی سیاست، ریاست، پاپولر کلچر اور صحافت کا مارکسی نقطہ نظر سے تجزیہ کرتی ہے۔ مختلف تبصروں کے اس مجموعے کے مصنف عامر رضا کا کمال یہ ہے کہ وہ دقیق تھیوریٹکل سوالوں پر بحث کوانتہائی آسان اور عام فہم زبان میں پیش کرتے ہیں، یا یوں کہیں کہ یہ کتاب مصنف کی گہری سماجی نظراور داستان گوئی کی باکمال صلاحیتوں کا ایک خوبصورت امتزاج ہے۔ جس میں حکمران طبقات کی طرف سے تخلیق کردہ بیانیوں کو ڈی کنسٹرکٹ کرتے ہوئے مذہب، نظریے اورسیاست کو پرکھنے کا ایک متبادل نقطہ نظرپیش کیا گیا ہے۔

راولاکوٹ انجمن تاجران، سول سوسائٹی اور پونچھ ڈویلپمنٹ فورم کی اپیل پر بدھ کے روز پونچھ ڈویژن کے مختلف شہروں اور بازاروں میں مکمل شٹر ڈاؤن ہڑتال کی گئی۔ ضلع پونچھ میں راولاکوٹ، تھوراڑ، پانیولہ، جھنڈاٹھی، پاک گلی، مجاہد آباد، علی سوجل، کھائی گلہ، علی سوجل، کہوکوٹ، چک میں مکمل شٹر ڈاؤن ہڑتال رہی، جبکہ منگ، باغ، ہولاڑ اور دیگر علاقوں میں جزوی شٹر ڈاؤن ہڑتال اور احتجاجی مظاہرے ہوئے۔

پاکستان کی وفاقی حکومت نے نیا بجٹ تیار کرنے کیلئے ڈالر کی شرح تبادلہ 290 روپے فی ڈالر مقرر کرنے کا فیصلہ کیا ہے۔ بظاہر اس اقدام کا مقصد آمدہ مالی سال میں کرنسی کی قدر میں نمایاں کمی کی مارکیٹ کی توقعات کو کنٹرول کرنا ہے۔ تاہم یہ اقدام انتہائی غیر یقینی معاشی ماحول کے پیش نظر بجٹ کی فزیبلٹی کے بارے میں مزید خدشات کو جنم دے رہا ہے۔

اسٹیبلشمنٹ ڈویژن میں کم از کم 40 سینئر بیوروکریٹ تقریباً آن سپیشل ڈیوٹی (او ایس ڈی) ہیں۔ ان افسران میں گریڈ 22 کے 9 اور گریڈ 21 کے 8 افسران بھی شامل ہیں۔ او ایس ڈی کا مطلب ہے کہ ان کی فی الحال کوئی پوسٹنگ نہیں ہے۔ وہ بغیر کوئی کام کئے تنخواہ وصول کر رہے ہیں۔

وزیر اعظم نے آئی ایم ایف سربراہ سے بات چیت کے بعدوزارت خزانہ کو ہدایت کی ہے کہ آئندہ بجٹ کی تفصیلات آئی ایم ایف سے شیئر کی جائیں۔ تاہم شہباز اور کرسٹالینا کے درمیان اعلیٰ سطحی رابطہ قائم ہونے کے دو دن بعد پاکستان میں آئی ایم ایف کے مشن چیف ناتھن پورٹر نے ایک بیان میں کہا کہ ’ہم حالیہ سیاسی پیش رفت کا نوٹس لیتے ہیں، جبکہ ہم ملکی سیاستپر تبصرہ نہیں کرتے، لیکن ہمیں امید ہے کہ آئین اور قانون کی حکمرانی کے مطابق آگے بڑھنے کا ایک پر امن راستہ تلاش کیا جائیگا۔‘

یاسین ملک جموں کشمیر میں کنٹرول لائن کے دونوں اطراف سرگرم قوم پرست تنظیم جموں کشمیر لبریشن فرنٹ کے دھڑے کے چیئرمین ہیں۔ انہیں گزشتہ سال نئی دہلی کی خصوصی عدالت نے دہشت گردی کیلئے مالی معاونت اور دیگر الزامات پر عمر قید کی سزا سنائی تھی۔ یاسین ملک نے حکومت کی طرف سے مقرر کردہ وکیل کو قبول کرنے اور الزامات کے خلاف اپنا دفاع کرنے سے انکار کر دیا تھا۔

’اے ایف پی‘ کے مطابق دونوں گرفتار صحافیوں 30 سالہ نیلوفر حمیدی اور 36 سالہ الٰہی محمدی کو سزائے موت کا سامنا کرنا پڑ سکتا ہے۔ انہیں مہسا امینی کی موت اور اس کے بعد کے حالات کی کوریج کرنے پر حراست میں لیا گیا تھا۔