خبریں/تبصرے

غزل: شہر کی رسم ہے پرانی وہی

قیصر عباس

شہر کی رسم ہے پرانی وہی
سازشیں تازہ ہیں کہانی وہی

درد کے موسموں سے کیا امید
سب بلائیں ہیں آسمانی وہی

پھرسے کھینچو حفاظتوں کے حصار
پھر ہے دریاؤں کی روانی وہی

ہم فقیروں کے حوصلے دیکھو
زخم جتنے ہوں سرگرانی وہی

سارے آثارہیں جدائی کے
سرمئی شام ہے سہانی وہی

زخم بوئے تواُگیں گے کانٹے
وقت دہرائے گا کہانی وہی

یوں تو صدیاں گزرگئیں قیصرؔ
دل کے صدمے تری جوانی وہی

Qaisar Abbas
+ posts

ڈاکٹر قیصر عباس روزنامہ جدو جہد کے مدیر اعلیٰ ہیں۔ وہ پنجاب یونیورسٹی سے ایم اے صحافت کرنے کے بعد پی ٹی وی کے نیوز پروڈیوسر رہے۔ جنرل ضیا الحق کے دور میں امریکہ منتقل ہوئے اور وہیں پی ایچ ڈی کی ڈگری مکمل کی۔ امریکہ کی کئی یونیورسٹیوں میں پروفیسر، اسسٹنٹ ڈین اور ڈائریکٹر کی حیثیت سے کام کر چکے ہیں اور آج کل سدرن میتھوڈسٹ یونیورسٹی میں ہیومن رائٹس پروگرام کے ایڈوائزر ہیں۔ وہ ’From Terrorism to Television‘ کے عنوان سے ایک کتاب کے معاون مدیر ہیں جسے معروف عالمی پبلشر روٹلج نے شائع کیا۔ میڈیا، ادبیات اور جنوبی ایشیا کے موضوعات پر ان کے مقالے اور بک چیپٹرز شائع ہوتے رہتے ہیں۔