طنز و مزاح

توں بریانی کھائی جا!

رمتہ جوگی

اندر اندر کھائی جا
باہر مال چھپائی جا

خلقت ساری بکھی اے
توں بریانی کھائی جا

دعوت روز وزیراں دی
فقراں نوں کھڑکھائی جا

بینک ترے، سرکار تری
مفت دے قرضے کھائی جا

نیب تری، پردھان ترا
سینہ ٹھوک، تے گائی جا

کھیت مرے کھلیان مرے
ساڈی فصلاں کھائی جا

خیر ہو تیرے ڈیرے دی
دیواراں چمکائی جا

کرکٹ کرکٹ قوم کرے
سب نوں کھیڈ کھڈائی جا

’ویلا ڈاڈھا نازک اے‘
قوم نوں وقتا پائی جا!

نواں پنڈورا آیا جے
رمتہ خیر منائی جا