لاہور (جدوجہد رپورٹ) امریکی دارالحکومت واشنگٹن میں ججوں نے اوتھ کیپرز کے بانی اسٹیورٹ روڈز کو 2020ء کے انتخابات کے بعد ڈونلڈ ٹرمپ کو اقتدار میں رکھنے کی سازش کیلئے بغاوت کی سازش کا مجرم قرار دیا ہے۔ مبینہ سازش کے نتیجے میں 6 جنوری کو کیپیٹل میں مہلک بغاوت ہوئی تھی۔
’ڈیموکریسی ناؤ‘ کے مطابق اوتھ کیپرز فلوریڈا باب کے قائد کیلی میگس کو بھی بغاوت کی سازش کا مجرم قرار دیا گیا اور تین دیگر بغاوت کرنے والوں کو دیگر جرائم کا مجرم پایا گیا۔ یہ مقدمہ تقریباً تین دہائیوں میں پہلی بار ہے کہ کسی وفاقی جیوری نے مدعا علیہان کو بغاوت کی سازش، امریکہ کی حکومت کو زبردستی گرانے یا تباہ کرنے کی سازش کے جرم کی سزا سنائی ہے۔
