کارکنوں نے ہمیں ان کی سیکولرازم اور آزادی کیلئے جدوجہد کی یاد دلائی اور یہ بتایا کہ کس طرح جناح نے قانون ساز کونسل میں انکا دفاع کیا تھا، جبکہ مذہبی دائیں بازو کی طرف سے چوک کا نام تبدیل کرنے کے خلاف دھمکیاں دی گئیں۔ میڈیا میں ان (مذہبی دائیں بازو)کے زیادہ واضح نظریات رکھنے والوں نے نہ صرف اس اقدام کے خلاف بھگت سنگھ کی شخصیت اور جدوجہد کے خلاف بھی مضامین لکھے۔ ان کے نزدیک وہ ایک ’ہندوستانی‘ دہشت گرد تھے،جنہوں نے ہندو احیاء کیلئے بھی کام کیا، وہ ہم میں سے نہیں تھے اور جناح نے کبھی ان کا دفاع نہیں کیا، بلکہ درحقیقت ان کی جدوجہد کی مذمت کی۔