یاد رہے گذشتہ سال بھی 29 نومبر کو ہونے والے طلبہ یکجہتی مارچ کے بعد عمار علی جان اور فاروق طارق سمیت چھ رہنماؤں پر غداری کے مقدمے بنائے گئے جبکہ ایک طالب علم رہنما عالمگیر وزیر پہلے لاپتہ کئے گئے پھر انہیں کئی ماہ تک جیل میں بند رکھا گیا۔ یہ سب رہنما ابھی تک غداری کے مقدمے میں ضمانت پر ہیں۔

واضح رہے کہ اگست 2011ء میں عطا آباد جھیل کے متاثرین کو معاوضہ جات اور رہائش کی جگہ فراہم کرنے کے مطالبے پر بابا جان اور افتخار کربلائی کی قیادت میں ہونے والے احتجاج میں شریک مظاہرین کو منتشر کرنے کیلئے پولیس نے آنسو گیس کی شیلنگ، لاٹھی چارج اور فائرنگ کی تھی۔ فائرنگ کی زد میں آکر دو مظاہرین کی موت ہو گئی تھی۔

آج پاکستان بھر میں طلبہ اپنے حقوق کے لئے مارچ کریں گے۔

میرا ڈونا فلسطینی عوام پر مظالم کے خلاف آواز اٹھاتے رہے اور امریکی سامراج کی مسلط کردہ سامراجی جنگوں کے خلاف مہم کا ہمیشہ حصہ رہے۔ انہو ں نے ایک بازو پر چی گویرا کی تصویر کا ٹیٹو بنوا رکھا تھا جبکہ ایک ٹانگ پر کیوبا کے انقلابی رہنما فیدل کاسترو کے چہرے کا ٹیٹوبنوا رکھا تھا۔ وہ چی گویرا اور فیدل کاسترو کو اپنا ہیرو قرار دیتے تھے۔ کاسترو بارے ان کا کہنا تھا کہ کاسترو ان کے والد کی طرح تھے۔

”میں ویٹیکن میں تھا اور میں نے سونے سے بنے تمام چھت دیکھے اور اس کے بعد میں نے پوپ کو یہ کہتے سنا کہ چرچ غریب بچوں کی فلاح و بہبود کیلئے بہت پریشان ہے۔ پھر کچھ کرتے کیوں نہیں اپنی چھت فروخت کر دو۔“

لاطینی امریکہ اور کریبین عوام کی خودمختاری، جمہوریت اور سماجی انصاف کیلئے آواز اٹھانے پر میرا ڈونا کو ہمیشہ یاد رکھا جائیگا۔