Day: ستمبر 21، 2021


ہرات: سکول کی لڑکیوں کا طالبان کے خلاف مظاہرہ

تین دن قبل افغان بچوں نے مہم شروع کی تھی کہ وہ اپنی تصاویر سوشل میڈیا پر پوسٹ کر رہے تھے۔ ان بچوں نے پوسٹر اٹھا رکھے تھے جن پر درج تھا کہ ہم اپنی بہنوں کے بغیر سکول نہیں جائیں گے۔

خواتین کیلئے افغان کمیونسٹوں کا دور کہیں بہتر تھا: امریکہ مگرمچھ کے آنسو نہ بہائے

افغانستان میں طالبان کے دوبارہ اقتدار پر قبضہ کے بعد سے امریکہ کی پوری سیاسی اشرافیہ افغان خواتین کے تاریک مستقبل کے غم میں رنج والم کی تصویر بنی بیٹھی دکھائی دیتی ہے۔ یہ نظارہ آج سے بیس برس قبل کی صورتحال سے بڑی مماثلت رکھتا ہے جب گیارہ ستمبر کو القاعدہ کی جانب سے ہونے والے حملوں کے جواب میں امریکہ نے القاعدہ کو فوری ختم کرنے اور افغان خواتین کو طالبان کے ظلم و اِستبداد سے آزاد کرانے کے مقاصد کو افغانستان پر لشکر کشی کے دو کلیدی محرکات کے طور پر پیش کیا تھا۔