اجلاس میں یہ فیصلہ کیا گیا کہ تمام سٹیک ہولڈرز کے ساتھ بات چیت ہوگی ،جس میں وکلاء برادری ، سرکاری سکولوں کے اساتذہ ، تاجر برادری ، عوامی اور سماجی شخصیات کے ساتھ ساتھ ایک آل پارٹیز کانفرنس بلانے پر پر بھی اجلاس میں شریکِ تمام اراکین متفق تھے ۔عوامی ایکشن کمیٹی پختونخوا ایک مکمل سیاسی و۔ غیر جماتی تنظیم ہوگی اور پختونخوا کا ہر فرد اس کمیٹی کا ممبر ہوگا ۔

حال ہی میں سما چینل پر مکالمہ نامی پروگرام میں لکھاری خلیل اُلرحمن قمر اور ٹی وی پریچر ساحل عدیم کو عورتوں کو درپیش مسائل پر رائے زنی کے لیے بلایاگیا۔ میں پروگرام کے آغاز میں یہ سوچتا رہا کہ یہ کیونکر ممکن ہے کہ بات تو عورتوں کے حقوق پر ہورہی ہے،مگر اسٹوڈیو میں بطورِ مہمان صرف مرد حضرات کو ہی بلایا گیا ہے۔ بعد میں یہ بھی دیکھا کہ پبلک میں بیٹھی ایک باشعور و تعلیم یافتہ لڑکی کو تنقیدی تبصرہ اور کڑوے سوال کرنے پر اس طرح جھڑک کر حقارت سے گھورا گیا کہ جیسے کوئی جاہل و بدکردار جاگیردار اپنے زرخرید غلام کی تذلیل کر رہا ہو، مگر ازبا عبداللہ نامی اس بہادر لڑکی نے95 فیصد عورتوں کو جاہل کہنے والے دونوں ادھیڑ عمر مردوں کو نہایت ہی بردباری و معلمانہ انداز میں جواب دیتے ہوئے کھولتے تیل کے کڑھائے میں پھینک دیا۔

جب سماج کی بنیاد یعنی معاشی نظام متروک ہو جائیں،تو وہ محض معیشت میں ہی اپنا اظہار نہیں کرتے، بل کہ سماج کا ہر ایک ادارہ تعفن پھیلانے لگتا ہے۔ تاریخ کا دھارا گویا روک سا جاتا ہے۔ تہذیب و ثقافت زوال پذیر ہونا شروع ہو جاتیہیں۔ رشتوں کا تقدس اپنی اہمیت کھو دیتا ہے۔ سماج میں ایک بے گانگی جنم لیتی ہے، جو ایک انسان کو دوسرے انسان سے لا تعلق کر دیتی ہے۔ یہ انسانوں کو مجبور کر دیتی ہے کہ ان کے پاس انفرادی بقا کے انتخاب کے علاوہ کوئی دوسرا رستہ نہیں بچتا، اور انفرادی کام یابی ہی سب سے بڑا مقصد حیات بن جاتی ہے۔ چاہے اس کی قیمت اپنوں کے خون سے ہی کیوں نا چکانی پڑے۔

ماضی کے آپریشنوں کی وجہ سے خیبر ایجنسی میں تیرہ اور دیگر علاقوں سے بے دخل کئے گئے لوگ آج بھی آئی ڈی پی کیمپوں میں کسمپرسی کی زندگی گزار رہے ہیں۔ بحالی کے نام پر ہر خاندان کو ایک ایک خیمہ اور کچھ راشن دے کر تباہ حال علاقوں میں جبری طور پر بھیجا جا رہا ہے۔ بنوں میں آج بھی لوگ اپنی ہی سرزمین پر مہاجرین کی زندگی گزار رہے ہیں۔ماضی کے تلخ تجربات کے ساتھ ساتھ پی ٹی ایم نے لوگوں میں شعور بیدار کر دیا ہے۔ لوگ جانتے ہیں کہ آپریشن ہوگا تو سب سے زیادہ نقصان ان کا ہوگا۔ جب تک گڈ اور بیڈ طالبان کی پالیسی ختم نہیں ہوتی، یہ مسئلہ حل نہیں ہو سکتا۔ بائیں بازو کو اس آپریشن کے خلاف کراچی، لاہور ، راولپنڈی جیسے شہروں میں احتجاج منظم کرکے آپریشن کی مخالفت کرنی چاہیے۔

احتجاج کی یہ کال آل پاکستان انجمن تاجران نے دے رکھی تھی۔ اسلام آباد میں تاجروں نے آبپارہ چوک میں احتجاجی مظاہرہ کیا اور مرکزی سڑک بلاک کر دی۔ حکومت کی جانب سے ٹیکسوں میں اضافے اور بجلی کی قیمتوں میں اضافے کے خلاف احتجاج کے لیے اسلام آباد بھر کی مختلف مارکیٹوں کے رہنماؤں کی قیادت میں تاجروں کے قافلے پہنچنے پر پولیس کی بھاری نفری تعینات تھی۔

جب دسویں جماعت میں غالب کو پڑھایا جاتا ہے توعام طور پر اکثر طالب علم غالب کو بورنگ، مشکل،دقیق، اور نا قابل فہم سمجھ کر یہ سمجھنے سے قاصر رہتے ہیں کہ غالب کو اتنا بڑا شاعر کیوں مانا جاتا ہے۔ شیکسپئیر سے گوئٹے تک، ہر بڑے نام بارے یہ کہا جا سکتا ہے کہ سکول کے طالب علم کو یہ سب بڑے ادیب عام طور پربے معنی سے لگیں گے۔ اس کی وجہ یہ ہے کہ ان کا taste ابھی cultivate نہیں ہوا، ادبی ذوق ابھی پروان نہیں چڑھا۔ ادبی ذوق تب ہی پروان چڑھے گا جب مطالعہ وسیع ہو گا۔ زبان، فلسفے،تاریخ اور سیاست کے علاوہ حالات حاظرہ پر گہری نظر ہو گی۔ گویا سیاق و سباق پر دسترس ہو گی۔

طالبات کیلئے ہاسٹل میں سیٹ ملنا ہی بہت مشکل ہو چکا ہے۔ طالبات کیلئے مختص ہاسٹلز میں کل 5ہزار طالبات رہائش پذیر ہیں، باقی12ہزار سے زائد طالبات پرائیویٹ ہاسٹلز میں رہائش رکھنے پر مجبورہیں۔ یونیورسٹی میں زیر تعلیم کل15ہزار طلبہ میں سے محض5ہزار کو ہاسٹل کی سہولت میسر ہے، باقی 10ہزار پرائیویٹ ہاسٹلز میں رہنے پر مجبور ہیں۔

کراچی، صوابی اور لاہور سمیت ملک کے مختلف شہروں میں بجلی کی طویل بندش اور بھاری بلوں کے خلاف احتجاج کیا جا رہا ہے۔ کراچی کے کئی علاقوں میں گزشتہ کئی دنوں سے احتجاجی مظاہرے کئے جا رہے ہیں۔